Paloty rakiet Iłana Maska SpaceX mohuć adnavicca. Ekśpierty zaniepakojenyja

Inžyniery rasśledavali pryčyny vybuchu šmatrazovaj rakiety Falcon 9, a jaje paloty adnoviacca ŭ siaredzinie śniežnia, paviedamiŭ Iłan Mask.

Pavialičyć

Nahadajem, što niekalki vybuchaŭ źniščyli rakietu Falcon 9 razam ź izrailskim telekamunikacyjnym spadarožnikam koštam 200 młn dalaraŭ 1 vieraśnia 2016 hoda. Ekśpierty byli źbiantežanyja tym, što vybuch adbyŭsia padčas testaŭ jašče da zapusku ruchavikoŭ, za 2 dni da zapłanavanaha startu rakiety.

Kiraŭnik SpaceX adznačyŭ, što prablema adbyłasia padčas zapraŭki rakiety. Vadki kisłarod trapiŭ u bak z palivam. Praz toje, što paliva było zamarožanaje, kisłarod pierajšoŭ z vadkaha ahrehatnaha stanu ŭ ćviordy. Heta, u svaju čarhu, vyklikała razryŭ kantejnieraŭ, vyrablenych z vuhlarodnych kampazitaŭ, jakija ŭtrymlivali vadki hielij. «Prablema kompleksnaja, źviazanaja z vadkim hielijem, vuhlarodnymi kampazitami i ćviordym kisłarodam. Kisłarod nastolki astyŭ, što pierajšoŭ u ćviorduju fazu», — zajaviŭ Mask. Na žal, kiraŭnik SpaceX nie paviedamiŭ inšych techničnych detalaŭ.

Nahadajem, što pieršyja kiravanyja paloty na MKS na karabli Dragon V2 SpaceX zapłanavanyja ŭžo na kaniec 2017 — pačatak 2018 hoda. Niahledziačy na toje, što inžyniery SpaceX znajšli pryčynu vybuchaŭ rakiety Falcon 9, ekśpierty niepakojacca za los budučych piłotaŭ-astranaŭtaŭ karabla SpaceX. Sprava ŭ tym, što kampanija Iłana Maska vyrašyła vykarystoŭvać zvyšchałodnaje paliva dla palapšeńnia charaktarystyk ruchavika. Vykarystańnie takoha paliva patrabuje zapraŭki baka karabla adrazu pierad zapuskam rakiety. Kab paliva nie paśpiavała nahrecca, SpaceX prapanavała zapraŭlać svaje rakiety ŭžo paśla pasadki astranaŭtaŭ na bort.

Pavialičyć

Heta vyklikała škvał krytyki z boku ekśpiertaŭ, paviedamlaje Reuters. Były astranaŭt NASA, a ciapier staršynia Kansultatyŭnaha kamiteta pry NASA pa pytańniach MKS hienierał Tomas Stafard adznačyŭ, što zapraŭka rakiety z astranaŭtami na borcie — niebiaśpiečnaja apieracyja. Asabliva niebiaśpiečna heta vyhladaje paśla apošniaha vybuchu rakiety Falcon 9 padčas zapraŭki.

Inšyja vieterany NASA taksama źviarnuli ŭvahu na toje, što ŭsie minułyja rakiety, na jakich adpraŭlali ludziej u kosmas, zapraŭlalisia papiarednie, da pasadki ekipaža na bort.

Pierš čym adpravić astranaŭtaŭ na MKS, kampanija Iłana Maska pavinna atrymać uchvaleńnie svajoj sistemy ad NASA. U svaju čarhu NASA praciahvaje rasśledavać akaličnaści vybuchu rakiety Falcon 9 padčas testavaj zapraŭki.

Iłan Mask adznačyŭ, što budzie hatovy pierahledzieć sistemy zapraŭki svaich rakiet u zaležnaści ad vynikaŭ poŭnaha rasśledavańnia, tamu nijakaha kanfliktu pamiž NASA i SpaceX niama.

NASA, jakaja adpraviła na piensiju svaje šmatrazovyja karabli ŭ 2011 hodzie, uziała ŭ padradčyki pryvatnyja kampanii «SpaceX» i «Boeing», jakija pavinny raspracavać novyja karabli. Da hetaha momantu astranaŭty buduć dabiracca da mižnarodnaj kaśmičnaj stancyi na rasijskich kapsułach «Sajuz», pa canie kala 70 młn dalaraŭ za čałavieka.

• 0
• 0
• 0
• 0
• 0
• 0
• 0
• 0