Supracoŭniki Maskoŭskaha RUUS stalicy zatrymali raniej sudzimaha za majomasnyja złačynstvy 32-hadovaha minčuka, jaki, znachodziačysia ŭ stanie ałkaholnaha apjanieńnia, paškodziŭ šeść aŭtamabilaŭ, pryparkavanych kala doma pa praśpiekcie haziety «Źviazda», paviedamlaje HUUS Minharvykankama.
U dvary adnaho z damoŭ mužčyna biespadstaŭna nanosiŭ ŭdary kułakami pa bakavych lusterkach pryparkavanych transpartnych srodkaŭ, kali na jaho šlachu apynuŭsia aŭtamabil marki «BMV», jaki zajazdžaŭ na dvarovuju terytoryju. U hety momant złamyśnik pačaŭ nanosić udary nahami pa bampieru nazvanaha aŭto. Kiroŭca vyrašyŭ vyjści i spynić supraćpraŭnyja dziejańni, zrabiŭšy niećviarozamu chulihanu zaŭvahu. Adnak apošni vidavočna byŭ nie nastrojeny na mirnaje vyrašeńnie kanfliktnaj situacyi. Pasažyrka «BMV», nazirajučy za tym, što adbyvajecca, vyklikała milicyju, a hramadzianie, jakija padaśpieli na miesca zdareńnia, utrymlivali złamyśnika da pryjezdu pravaachoŭnikaŭ.
Pryčyniŭšy majomasnuju škodu na sumu bolš za Br220, zatrymany tak i nie zmoh rastłumačyć svaje pavodziny. U ciapierašni čas u dačynieńni da jaho Maskoŭskim (Minska) RASK raspačataja kryminalnaja sprava pa č.1 art.339 (chulihanstva) KK. Sankcyja nazvanaj častki artykuła praduhledžvaje adkaznaść u vyhladzie pazbaŭleńnia voli na termin da troch hadoŭ.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary