Śledčy kamitet Rasijskaj Fiederacyi zavioŭ kryminalnuju spravu ŭ dačynieńni ministra ekanamičnaha raźvićcia Alaksieja Ulukajeva. «U ciapierašni čas ministr zatrymany i ŭ dačynieńni da jaho pravodziacca nieabchodnyja apieratyŭnyja śledčyja dziejańni», — paviedamlaje meduza sa spasyłkaj na sajt viedamstva.
Pavodle paviedamleńnia viedamstva, 14 listapada Ulukajeŭ atrymaŭ dva miljony dalaraŭ za «vydadzienuju Minekanamraźvićcia stanoŭčuju acenku», jakaja dazvoliła kampanii «Rośniefť» «ažyćciavić ździełku pa nabyćci dziaržaŭnaha pakieta akcyj PAT ANK «Bašniefť» u pamiery 50 pracentaŭ».
«Interfaks» sa spasyłkaj na znajomuju ź situacyjaj krynicu paviedamlaje, što «hrošy Ulukajevu byli pieradadzienyja ŭ chodzie śledčaha ekśpierymientu pad kantrolem siłavikoŭ» i što ŭ śledstva niama pretenzijaŭ da kiraŭnictva «Raśniefci».
Pres-sakratar prezidenta RF Dźmitryj Piaskoŭ nazvaŭ abvinavačańnie na adras Ulukajeva «vielmi surjoznym» i «patrabujučym vielmi surjoznych dokazaŭ», pieradaje RIA Naviny. «Ciapier noč. Ja nie viedaju, ci dakładvałasia prezidentu», - cytuje jaho ahienctva.
U Minekanamraźvićcia ad kamientaroŭ admovilisia.
Kamientary