Prezident ZŠA Barak Abama pryznaŭ, što ŭ jaho zastajucca aściarohi z nahody Donalda Trampa, ale acharaktaryzavaŭ svajho pierajemnika chutčej jak prahmatyčnaha, čym ideałahična nastrojenaha čałavieka.
«Ci jość u mianie sumnievy? Zrazumieła. Viadoma, u mianie jość sumnievy. My ź im razychodzimsia pa cełym šerahu pytańniaŭ. Adnak fiederalny ŭrad i naša demakratyja — nie matornaja łodka, a kruizny łajnier», — skazaŭ Abama na pieršaj pres-kanfierencyi paśla pieramohi Donalda Trampa na prezidenckich vybarach.
Jon taksama zaklikaŭ Trampa «pasłać sihnały» da abjadnańnia hramadstva, a demakrataŭ — pryznać vyniki hałasavańnia i «ŭśviadomić, što tak pracuje demakratyja».
«Ja skazaŭ jamu, ja kazaŭ pra heta i publična, što z-za asablivaściaŭ [prezidenckaj] kampanii, jaje žorstkaści i raźjušanaści vielmi važna pasłać niejkija sihnały da abjadnańnia, pabudavać dyjałoh z pradstaŭnikami mienšaściaŭ, žančynami i inšymi hrupami, vykazvaŭ zakłapočanaść utrymańniem kampanii», — skazaŭ prezident.
Usiaho tydzień tamu, napiaredadni vybaraŭ, Abama nazyvaŭ Trampa «žachliva niehatovym da pracy [prezidenta]».
Adnak u minuły čaćvier padčas sustrečy ź pierajemnikam u Biełym domie jon zajaviŭ, što Tramp «vykazaŭ značnuju cikavaść da padtrymańnia našych asnoŭnych stratehičnych adnosin», u tym liku z partniorami pa NATA.
Kamientary