U dziesiaci fiederalnych ziemlach idzie śpiecapieracyja suprać mierkavanych prychilnikaŭ «Isłamskaj dziaržavy». Pieratrusy pravodziacca ŭ pamiaškańniach sałafickaj hrupoŭki «Sapraŭdnaja relihija», paviedamlaje DW.
U Hiermanii prachodzić maštabnaja śpiecapieracyja suprać mierkavanych prychilnikaŭ džychadzisckaj hrupoŭki «Isłamskaja dziaržava» (ID).
Mierapryjemstvy siłavikoŭ pačalisia ŭ 6.30 ranicy ŭ aŭtorak, 15 listapada, u dziesiaci fiederalnych ziemlach. Užo praviedzieny pieratrusy bolš čym u 200 kvaterach i ofisach, jakija naležać radykalnaj sałafickaj hrupoŭcy «Sapraŭdnaja relihija» («Die wahre Religion»), jakaja masava razdaje Karan u niamieckich haradach, paviedamlaje ahienctva dpa sa spasyłkaj na krynicy ŭ pravaachoŭnych orhanach.
Asnoŭnaja častka apieracyi pravodzicca na zachadzie krainy i ŭ Bierlinie. U Hiesenie pieratrusam padvierhnutyja 65 abjektaŭ, u tym liku 15 u Frankfurcie-na-Majnie, u Paŭnočnym Rejnie — Viestfalii i ŭ Bavaryi — prykładna pa 35 abjektaŭ, u Nižniaj Saksonii — 20, a ŭ Baden-Viurtembierhu — amal 15, u Šleźvih-Halštejnie, Rejnłand-Pfalcie i Hamburhu — prykładna pa piać i ŭ Bremienie — adzin abjekt.
Pavodle infarmacyi ahienctva dpa, ministr unutranych spraŭ FRH Tomas de Mieźjer (Thomas de Maiziere) maje namier zabaranić abjadnańnie «Sapraŭdnaja relihija» i jaho mierapryjemstvy «Čytaj!», jakija pravodziacca ŭ haradach FRH u piešachodnych zonach. Ułady FRH ličać, što hetyja mierapryjemstvy supiarečać kanstytucyi FRH i nakiravany na padryŭ ŭzajemarazumieńnia pamiž narodami.
Publikujecca ŭ miežach śpiecyjalnaj rubryki «Naviny Hiermanii»
Kamientary