Paviešanym Mikałaja znajšli amatary biehu. Nočču, 15 listapada, mužčyna syšoŭ z doma pa vulicy Kalinoŭskaha, piša hrodna.life.
Svajakam jon paviedamiŭ, što maje namier ździejśnić samahubstva, ale pra pryčyny tak i nie skazaŭ. Jak pišuć u sacyjalnych sietkach, pierad trahiedyjaj Mikałaj upieršyniu pryjšoŭ dadomu pjanym, raniej jon nie ŭžyvaŭ ałkahol.
Uviečary taho ž dnia, u čas prabiežki, cieła znajšli ŭ Pyškach, niedaloka ad doma, dzie jon žyŭ.
Milicyja i pošukavyja atrady zrabili ŭsio mahčymaje, kab praduchilić trahiedyju, ale nie paśpieli.
Jak paviedamlajuć znajomyja Mikałaja, jon pracavaŭ na «Biełenierharemnaładka», byŭ majstram pa zvarcy. Jamu było 40 hadoŭ, u jaho zastałosia dvoje dziaciej. Nichto sa znajomych nie moh padumać, što mužčyna na takoje hatovy.
Śledčy kamitet vyśviatlaje abstaviny zdareńnia.
Kamientary