Premjer-ministr Biełarusi Andrej Kabiakoŭ pajechaŭ u rezidencyju rasijskaha premjera Dźmitryja Miadźviedzieva ŭ Horkach.
U sieradu, 16 listapada, u Padmaskoŭi projdzie pasiadžeńnie Jeŭrazijskaha mižuradavaha savieta, paviedamlaje BiełTA. U im voźmuć udzieł taksama kiraŭniki ŭradaŭ Armienii, Kazachstana i Kyrhyzstana, krain, jakija, jak i Biełaruś z Rasijaj, uvachodziać u skład Jeŭrazijskaha ekanamičnaha sajuza.
Na siońniašnim pasiadžeńni budzie razhladacca prajekt Mytnaha kodeksa JEAES, jaki ŭ śniežni 2016 hoda źbirajucca padpisać lidary krain-udzielnic sajuza. Na siońnia zastajucca niaŭzhodnienymi 5 pytańniaŭ, jakija pieravažna adnosiacca da dziejnaści svabodnych ekanamičnych zon.
Taksama premjery abmiarkujuć i pytańni rehulavańnia ŭ Jeŭrazijskim ekanamičnym sajuzie adzinaha rynku lekavych srodkaŭ i miedycynskich vyrabaŭ.

Kamientary