Na aŭtadarozie «Minsk—Hrodna» ŭ Iŭjeŭskim rajonie zahinuŭ mužčyna, kiroŭca «Fijata», jaki viartaŭsia z vachty z Astraŭca dadomu. Za kiłamietr ad vioski Santaki z pravaha boku ad mašyny vybieh łoś. Paśla najezdu na jaho adbyłosia sutyknieńnie z sustrečnym mikraaŭtobusam «Folksvahien», jaki ruchaŭsia ŭ kirunku stalicy. Kiroŭca lehkavoha aŭtamabila pamior na miescy. Dvoje jahonych kalehaŭ (taksama maładyja ludzi) špitalizavany. Adzin ź ich źmieščany ŭ reanimacyjnaje adździaleńnie balnicy. Treci pasažyr z zadniaha pravaha siadzieńnia takoj doli paźbieh.
U DAI rekamiendujuć: kali pierad vami na darozie źjaviłasia dzikaja žyvioła, nie treba sprabavać abjechać jaje — heta ryzyka pry lubym raskładzie. Lepš adrazu zatarmazić i nie mianiać pałasu. Kali ž, niahledziačy pryniatyja miery, adbudziecca najezd, heta lepš, čym pry abjeździe ŭrezacca ŭ dreva, pierakulicca ŭ kiuviecie abo sutyknucca z sustrečnym aŭto.
Kamientary