Pra heta havorycca ŭ sumiesnym dakładzie Jeŭrakamisii i Arhanizacyi ekanamičnaha supracoŭnictva i raźvićcia, piša Jeŭrapiejskaja praŭda.
U daśledavańni havorycca, što siaredniaja praciahłaść žyćcia žycharoŭ krain ES vyrasła z 74,2 hadoŭ u 1990 hodzie da 80,9 hadoŭ u 2014 hodzie.
U dakumiencie taksama adznačajecca, što ŭ krainach Zachodniaj Jeŭropy ludzi ŭ siarednim žyvuć daŭžej, čym žychary Centralnaj i Uschodniaj Jeŭropy.
Tym nie mienš, rekordna vysokaja praciahłaść žyćcia nie zaŭsiody aznačaje hady zdarovaha žyćcia. Kala 50 młn čałaviek u ES pakutujuć na šerah chraničnych zachvorvańniaŭ, i bolš za paŭmiljona ludziej pracazdolnaha ŭzrostu pamirajuć ad ich kožny hod, praz što ekanomika ES hublaje kala 115 młrd štohod.
Bolš 550 000 čałaviek pracazdolnaha ŭzrostu pamirali zaŭčasna štohod ad infarktaŭ, insultaŭ, dyjabietu, raka i reśpiratornych zachvorvańniaŭ.
Akramia taho, 16 pracentaŭ darosłaha nasielnictva ES pakutujuć na atłuścieńnie, u paraŭnańni z 11% u 2000 hodzie, u toj čas jak adzin ź piaci jašče palić i złoŭžyvaje ałkaholem.
Uvohule, kala 50 miljonaŭ hramadzian Jeŭrasajuza pakutujuć na dva i bolš chraničnych zachvorvańniaŭ, bolšaść starejšyja za 65 hadoŭ.
Jeŭropa taksama stareje chutkimi tempami. Ludziej, starejšych za 65 hadoŭ ŭ 1980 hodzie było mienš za 10%, a ŭ 2015 hodzie ich kolkaść uzrasła da 20%.
Kamientary