Minpramtorh Rasii maje namier abaviazać aŭtakancerny adkryć servisnyja centry ŭ kožnym rehijonie krainy, u tym liku ŭ Krymie i ŭ Sievastopali, raspaviali haziecie «Kommiersant'« krynicy na rynku. Pry hetym u ministerstvie adznačyli, što najaŭnaść aficyjnych centraŭ pa absłuhoŭvańniu mašyn budzie adnym z kryteraŭ atrymańnia dziaržpadtrymki ŭ 2017 hodzie, piša vydańnie.
«Na žal, navat siońnia ŭ niekatorych rehijonach, dzie spažyŭcy sotniami kuplajuć i rehistrujuć novyja aŭtamabili niejkaha brenda, jany mohuć apynucca z mašynaj adzin na adzin», — patłumačyli haziecie ŭ ministerstvie. Biez aficyjnaha absłuhoŭvańnia pakupniki, zajavili ŭ viedamstvie, vymušanyja pierapłačvać łancužku pasiarednikaŭ u takich rehijonach, «jak novyja subjekty fiederacyi — Sievastopal, Krym» i, naprykład, u Kalininhradskaj vobłaści.
Krynica haziety ŭdakładniła, što ciapier nijakich dakumientaŭ z hetaj nahody niama, nieviadomyja taksama i miechanizmy realizacyi hetaj idei.
Jak udakładniaje vydańnie, ciapier niekatoryja zamiežnyja aŭtavytvorcy atrymlivajuć dziaržsubsidyi, adnak nie prysutničajuć aficyjna ŭ Krymie. Siarod ich nazvany Renault, Toyota, Ford. Ź inšaha boku, kitajcy, čyje dylerskija centry daŭno zamacavalisia ŭ Krymie, usio jašče nie dapuščanyja ŭ prahramu lhotnaha aŭtakredytavańnia.
Kamientary