U Sievastopali FSB zatrymała byłoha vajskoŭca štaba Čarnamorskaha fłotu kapitana druhoha ranhu zapasu Leanida Parchomienku. Jaho padazrajuć u pracy na Hałoŭnaje ŭpraŭleńnie raźviedki Minabarony Ukrainy i pieradačy dziaržaŭnaj tajny zamiežnaj dziaržavie, piša Meduza.
Kryminalnaja sprava suprać Parchomienki ŭzbudžanaja pa artykule ab dziaržaŭnaj zdradzie.
Pradstaŭnik Ministerstva abarony Ukrainy Andrej Łysienka zajaviŭ, što viedamstvu ničoha nie viadoma pra zatrymanaha.
«FSB Rasii ŭ čarhovy raz źviartajecca da pravakacyi z vykarystańniem bazy dadzienych, jakaja znachodzicca na terytoryi aneksavanaha Kryma. Havorka idzie pra asabistyja spravy byłych vajskoŭcaŭ, jakija prachodzili vajskovuju słužbu ci va ŭzbrojenych siłach Ukrainy, ci ŭ Čarnamorskim fłocie RF», — skazaŭ Łysienka ahienctvu «Interfaks-Ukraina».
10 listapada FSB adčytałasia ab zatrymańni traich «ukrainskich dyviersantaŭ», jakich taksama abvinavacili ŭ pracy na raźviedku Ukrainy. Alaksieja Biesarabava, Dźmitryja Štyblikava i Uładzimira Dudko aryštavali na dva miesiacy. Pa dadzienych FSB, jany płanavali terakty na abjektach infrastruktury Kryma.
Ukraina admaŭlaje jakuju-niebudź suviaź z zatrymanymi.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary