Kienijski startap Sanivation abviaściŭ pra zapusk novaj sistemy pieratvareńnia čałaviečych fiekalijaŭ ŭ paliva. Jana budzie bolš kampaktnaj pa paraŭnańni sa staroj i zmoža apracoŭvać da vaśmi ton adchodaŭ u miesiac. Pra heta paviedamlaje vydańnie N+1 sa spasyłkaj na IEEE Spectrum.
Letaś startap Sanivation prapanavaŭ vykarystoŭvać u jakaści bolš ekałahičnaha paliva pierapracavanyja čałaviečyja fiekalii. Kampanija ŭstalavała ŭ Kienii śpiecyjalnyja prybiralni, adchody ź jakich kožny miesiac pastupajuć na pierapracoŭčyja zavody. Na hetyja zavodach śpiecyjalisty źmiaščajuć ich u šklanyja kantejniery i nahravajuć, tym samym dezynfikujuć ich. Dla hetaha vykarystoŭvajecca stalny dysk, jaki fakusuje pramiani Sonca, što na jaho padajuć, na jomistaści ź fiekalijami. Tak jomistaść nahravajecca da 60 hradusaŭ Celsija. Praces takoj canitarnaj apracoŭki ciahniecca try hadziny.
Paśla hetaha adchody ŭ hranulatary źmiešvajucca z vuhalnym pyłam i skatvajucca ŭ šaryki. U vyniku atrymlivajecca materyjał, jaki vonkava nahadvaje vuhal, adnak ź inšymi ŭłaścivaściami. Apracavanyja adchody harać u dva razy daŭžej u paraŭnańni z vuhlom. Pry hetym jany vyłučajuć na tracinu mienš uharnaha hazu i ćviordych čaścic. Pa słovach uładalnikaŭ kampanii, kožnaja tona takoha materyjału zachoŭvaje 88 dreŭ, pry hetym jaho košt paraŭnalny z koštam zvykłaha kienijcam paliva.
Da hetaha času na zavodzie Sanivation možna było apracoŭvać tolki dźvie tony adchodaŭ u miesiac, adnak ciapier navukoŭcy pavialičyli hety pakazčyk da vaśmi ton. Heta ŭdałosia zrabić dziakujučy novamu pracesu apracoŭki: fiekalii ciapier nahravajucca nie try hadziny, a ŭsiaho 10 chvilin, paśla čaho jany pa trubach pastupajuć u kantejniery z cemientu i škłovałakna. U hetych jomistaściach, jakija zachoŭvajuć ciapło, jany znachodziacca kala troch hadzin, a potym adpraŭlajucca na pierapracoŭku.
Ideja vykarystańnia adchodaŭ dla atrymańnia enierhii nie novaja. Sioleta supracoŭniki daśledčaj łabaratoryi VPS ZŠA vyprabavali novuju ŭstanoŭku pa pierapracoŭcy roznaha śmiećcia ŭ sintez-haz, jaki zatym moža vykarystoŭvacca ŭ hienieratarach dla vypracoŭki elektryčnaści. Sistema zdolnaja pierapracavać za dzień da dziesiaci ton roznaha śmiećcia, kanviertavać jaho prykładna ŭ 300 kiłavat elektraenierhii.
Kamientary