Rezalucyja Jeŭraparłamienta nanosić škodu pracesu narmalizacyi adnosin pamiž Biełaruśsiu i ES, jaki tolki akreśliŭsia. Tak prakamientavaŭ učarašni dakumient Jeŭraparłamienta načalnik upraŭleńnia infarmacyi — pres-sakratar biełaruskaha MZS Dźmitryj Mirončyk.
«Tak, my aznajomilisia z čarhovym tvareńniem pa Biełarusi, adštampavanym u ścienach Jeŭraparłamienta. Adčuvańnie adno — «deža viu» abo «my heta ŭžo prachodzili», — skazaŭ Mirončyk.
«Hety dakumient nie tolki nie adlustroŭvaje duchu biahučaha ŭzajemadziejańnia pamiž Biełaruśsiu i Jeŭrapiejskim sajuzam, ale i nanosić vidavočnuju škodu krochkamu pracesu narmalizacyi našych adnosin, jaki akreśliŭsia», — ličyć Mirončyk.
«Šerah absalutna iłžyvych pasyłaŭ i śćviardžeńniaŭ śviedčać pra adsutnaść u adpaviednych jeŭraparłamientaryjaŭ navat žadańnia zrazumieć toje, što adbyvajecca ŭ Jeŭrapiejskim rehijonie, a taksama ab zachavańni niehatyŭnaha nastroju ŭ adnosinach da Biełarusi. A raz niama ab`iektyŭnaści i biesstaronnaści, to i kamientavać niama čaho», — zajaviŭ pres-sakratar MZS.
U rezalucyi, pryniataj Jeŭraparłamientam 24 listapada, havorycca, što prahres Biełarusi ŭ adstojvańni demakratyčnych kaštoŭnaściaŭ niedastatkovy, u krainie pa-raniejšamu ź`iaŭlajucca palitviaźni, źviedvaje pieraśled apazicyja, prymianiajecca śmiarotnaje pakarańnie. Akramia taho, na dumku jeŭraparłamientaryjaŭ, Biełaruś nie ŭ stanie vyrašyć sumnieńni hramadskaści z nahody biaśpieki atamnaj stancyi, jakaja budujecca ŭ Astraŭcy, paviedamlaje BiełaPAN.
Kamientary