Pieramovy pa rašeńni naftahazavaj sprečki pamiž Biełaruśsiu i Rasijaj praciahnucca na hetym tydni, paviedamiŭ žurnalistam 30 listapada ŭ Pałacie pradstaŭnikoŭ Nacyjanalnaha schodu ministr enierhietyki Uładzimir Patupčyk.
Pavodle jaho słoŭ, Biełaruś nakiravała rasijskamu boku svaje prapanovy pa vychadzie ź situacyi, jakaja skłałasia. «Pieramovy praciahvajucca», — zapeŭniŭ čynoŭnik.
Minsk i Maskva dahetul nie ŭrehulavali pytańni koštu rasijskaha hazu i zahruzki syravinaj biełaruskich naftapierapracoŭčych zavodaŭ. Z 2016 hoda Rasija, pavodle damoŭlenaściaŭ, pavinna była pastaŭlać u Biełaruś štohod 24 młn ton nafty ŭ hod až da 2024 hoda. Adnak z druhoha paŭhodździa pastaŭki byli skaročanyja, spačatku da 3,5 młn ton u kvartał, a z kastryčnika — užo da 3 młn ton. Heta stała adkazam na zapazyčanaść pa pastaŭkach rasijskaha hazu ŭ 281 młn dołaraŭ. 19 kastryčnika staršynia praŭleńnia Nacbanka Pavieł Kałaur zajaviŭ pra najaŭnaść srodkaŭ dla raźlikaŭ za haz, a 21 kastryčnika ministr enierhietyki Biełarusi Uładzimir Patupčyk śćviardžaŭ, što hrošy za haz «siońnia pieraličvajem». Adnak hetaha nie adbyłosia.
Kamientary