U Kramli ničoha nie viadoma pra list Minabarony Rasii vajskovamu ataše Ukrainy, u jakim źmiaščajucca pahrozy adkazu ŭdaru, kali ŭkrainski bok praviadzie rakietnuju stralbu pablizu Kryma. Pra heta žurnalistam paviedamiŭ pres-sakratar prezidenta Rasii Dźmitryj Piaskoŭ, piša rbc.ru.
«Nie mahu adkazać na vaša pytańnie, ja, ščyra kažučy, pieršy raz pra heta čuju», — skazaŭ jon u adkaz na prośbu prakamientavać paviedamleńni pra list Minabarony Rasii ŭkrainskamu vajskovamu ataše. «Mnie treba ŭdakładnić», — dadaŭ Piaskoŭ.
Pra list Ministerstva abarony Rasii paviedamiła ŭkrainskaje vydańnie Zn.ua raniej, 30 listapada. Pavodle infarmacyi krynic vydańnia va ŭkrainskim Ministerstvie abarony, list datavany 26 listapada i byŭ adpraŭleny «vajskovamu ataše ŭ pasolstvie Ukrainy ŭ RF».
Sam tekst lista vydańnie nie pryvodzić, adnak pierakazvaje jaho źmiest. Tak, kali Ukraina praviadzie «padobnyja strelby» ŭ «rajonie rasiejska-ŭkrainskaj miažy ŭ Krymie», to Rasija «budzie źbivać ŭkrainskija rakiety». Taksama, pa dadzienych vydańnia, Rasija «naniasie ŭdar u adkaz pa ŭkrainskich puskavych ustanoŭkach», nibyta havorycca ŭ liście.
Kamientary