Abrany prezident ZŠA Donald Tramp zajaviŭ, što rychtujecca da «poŭnaha adychodu ad biznesu» na praciahu svajho prezidenckaha terminu, kab paźbiehnuć kanfliktu intaresaŭ, piša VVS.
Getty
«Ciapier rychtujucca dakumienty, padpisaŭšy jakija, ja całkam vyjdu ź biznes-apieracyj. Prezidenctva — našmat bolš važnaja zadača», — napisaŭ mahnat u tvitary.
«Choć pavodle zakona ja nie abaviazany hetaha rabić, jak prezident, ja liču važnym paźbiehnuć kanfliktu intaresaŭ sa svaimi kampanijami», — prakamientavaŭ svajo rašeńnie Tramp.
Detali svajho sychodu jon abiacaje raspavieści na pres-kanfierencyi 15 śniežnia.
Tramp aceńvaje svaju majomaść u bolš čym 10 młrd dalaraŭ, choć hetaja acenka asprečvajecca ekśpiertami. Arhanizacyi, jakija vyvučali jaho finansy, pryjšli da roznych vysnoŭ.
Časopis Forbes acaniŭ jaho majomaść u 4,5 młrd dalaraŭ, kampanija Wealth-X — u 4,4 młrd, a Indeks miljarderaŭ Bloomberg ličyć, što ŭ Trampa usiaho 2,9 młrd dalaraŭ.
Tramp adchilaje ŭsie hetyja acenki, zajaŭlajučy, što jon «kaštuje značna bolš».
Tramp uznačaliŭ biznes svajho baćki ŭ 1979 hodzie. U 1999 jon pabudavaŭ samaje znakamitaje svajo zbudavańnie — 68-paviarchovy chmaračos Trump Tower na Piataj avieniu ŭ Ńju-Jorku. Za hetym rušyli ŭśled inšyja prajekty, jakija nosiać imia Trampa — Trump World Tower, Trump International Hotel i inšyja.
Tramp taksama raźvivaŭ sietki haścinic i kazino, ale hety kirunak biznesu abiarnuŭsia čatyrma bankructvami — zrešty, udar pryjšoŭsia pa asobnych pradpryjemstvach, a nie pa ŭsioj biznes-impieryi Trampa.
Akramia hetaha, Tramp zajmaŭsia šoŭ-biznesam. Z 1996 pa 2015 hod jon vałodaŭ pravami na konkursy pryhažości Mis ZŠA i Mis Suśviet, a ŭ 2003 hodzie zapuściŭ na kanale En-bi-si realici-šou «Kandydat», u jakim byŭ pradziusaram i viadučym.
Kamientary