Akademii navuk Biełarusi i Polščy padpisali pahadnieńnie ab supracoŭnictvie
Nacyjanalnaja akademija navuk Biełarusi i Polskaja akademija navuk padpisali pahadnieńnie ab navukovym supracoŭnictvie.
Padpisańnie dakumientaŭ adbyłosia ŭ čas vizitu ŭ NAN Biełarusi prezidenta Polskaj akademii navuk Ježy Dušyńskaha. Hałoŭnaja meta vizitu - praviadzieńnie pierahavoraŭ z kiraŭnictvam NAN Biełarusi ab pierśpiektyŭnych napramkach i miechanizmach pašyreńnia biełaruska-polskaha navukova-techničnaha supracoŭnictva.
Jak paviedamili ŭ pres-słužbie NAN Biełarusi, akademii navuk dźviuch krain majuć daŭnija suviazi. Z 21 pa 23 sakavika pa zaprašeńni kiraŭnictva Polskaj akademii navuk u Varšavie znachodziłasia delehacyja Nacyjanalnaj akademii navuk Biełarusi na čale sa staršynioj Prezidyuma akademikam Uładzimiram Husakovym. Metaj vizitu stała pašyreńnie navukova-techničnaha supracoŭnictva vučonych dźviuch krain, a taksama praviadzieńnie kanfierencyi «Polska-biełaruskaje navukova-daśledčaje supracoŭnictva ŭ halinie humanitarnych navuk».
Biełaruskija i polskija daśledčyki pryniali aktyŭny ŭdzieł u arhanizacyi i praviadzieńni Mižnarodnaj navukovaj kanfierencyi «Prablemy racyjanalnaha vykarystańnia pryrodnych resursaŭ i ŭstojlivaje raźvićcio Paleśsia», jakaja adbyłasia ŭ NAN Biełarusi 14-17 vieraśnia.
Ciapier płanujecca aktyvizacyja sumiesnaha ŭdziełu polskich i biełaruskich vučonych u kansorcyumach, jakija stvarajucca dla inicyjavańnia i realizacyi prajektaŭ prahramy ES pa navukova-technałahičnym i inavacyjnym raźvićci «Haryzont 2020».
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary