Pamierła druhaja miedsiastra, paranienaja ŭ vyniku ŭdaru pa łahiery rasijskich miedykaŭ u rajonie Alepa, paviedamiŭ aficyjny pradstaŭnik minabarony Ihar Kanašenkaŭ.
«Rasijskaja vajskoviec-miedyk, jakaja atrymała ciažkija ranieńni ŭ vyniku artyleryjskaha abstrełu bajevikami apazicyi pryjomnaha adździaleńnia špitala minabarony ŭ Alepa, zahinuła ad atrymanych ran», — havorycca ŭ zajavie minabarony.
Raniej rasijskaje abaronnaje viedamstva paviedamlała ab hibieli adnoj miedsiastry ŭ vyniku abstrełu, piša VVS.
Pavodle dadzienych minabarony, palavy špital padvierhnuŭsia artyleryjskamu abstrełu bajevikoŭ, kali ŭ im išoŭ pryjom miascovych žycharoŭ.
Kanašenkaŭ abvinavaciŭ u hibieli rasijskich vajskoŭcaŭ «zastupnikaŭ terarystaŭ z ZŠA, Vialikabrytanii, Francyi i inšych spačuvajučych im krain i ŭtvareńniaŭ».
AAN i pradstaŭniki krain Zachadu krytykujuć Rasiju za avijaŭdary pa Alepa, achviarami jakich stanoviacca mirnyja žychary. Zachodnija lidary nieadnarazova zaklikali Maskvu admovicca ad vajennych dziejańniaŭ u Alepa.
Raniej minabarony RF paviedamlała, što rasijskija vajennyja miedyki ŭ paniadziełak prystupili da pracy ŭ rajonie Alepa. U pryvatnaści, jany razharnuli pryjomnaje adździaleńnie z ambułatoryjaj, śpiecyjalnaje dziciačaje terapieŭtyčnaje adździaleńnie, chirurhičnaje adździaleńnie, a taksama adździaleńni aniestezijałohii i reanimacyi.
Taksama ŭ paniadziełak źjaviłasia infarmacyja, što siryjskija ŭradavyja vojski zavałodali jašče dvuma rajonami ŭschodniaha Alepa, jakija znachodzilisia pad kantrolem paŭstancaŭ. Try tydni tamu siryjskija vojski pry padtrymcy rasijskaj avijacyi pačali novuju nastupalnuju apieracyju na ŭschodzie Alepa.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary