Papularny futbalist, baćka čaćviarych dziaciej i pasoł dobraj voli JUNISIEF Devid Bekchem staŭ hierojem sacyjalnaha rolika, pryśviečanaha baraćbie z hvałtam nad dziećmi. Dakładniej, hałoŭnuju rolu vykanaŭ nie sam Devid, a jaho tatuiroŭki, jakija «ažyli» śpiecyjalna dla videa.
Tatuiroŭki Bekchema ŭ roliku demanstrujuć sceny hvałtu nad dziećmi z boku darosłych i adnahodkaŭ. «Hvałt nad dziećmi nazaŭždy źmianiaje ich žyćci, — kaža ŭ kancy rolika Devid. — Heta niapravilna. Pałažycie hetamu kaniec».
Anansujučy sacyjalnaje videa ŭ svaim instahramie, Devid adznačyŭ, što ŭ jaho jość paznaki, jakija jon abraŭ sam, majučy na ŭvazie svaje šmatlikija tatuiroŭki. Adnak, padkreśliŭ były futbalist, u śviecie jość miljony dziaciej, jakija atrymali paznaki ŭ vyhladzie šnaraŭ suprać svajoj voli. Uzorny siemjanin u kancy svajho pasłańnia jašče raz źviarnuŭ uvahu hramadskaści na prablemu hvałtu nad dziećmi. «Heta niapravilna. Z hetym treba skončyć», — napisaŭ Bekchem.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary