U Biełarusi ŭdaskanalvajecca pravavoje rehulavańnie vykarystańnia alimpijskaj i paralimpijskaj simvoliki, jaje abarona i kamiercyjnaje vykarystańnie. Adpaviedny Ukaz 440 «Ab vykarystańni alimpijskaj, paralimpijskaj simvoliki» 5 śniežnia padpisaŭ Alaksandr Łukašenka, jaki źjaŭlajecca prezidentam Nacyjanalnaha alimpijskaha kamiteta.
Jak paviedamlaje pres-słužba kiraŭnika dziaržavy, dakumient pryniaty ŭ metach naležnaha vykanańnia biełaruskim bokam svaich abaviazacielstvaŭ pa abaronie pravoŭ Mižnarodnaha alimpijskaha kamiteta i Mižnarodnaha paralimpijskaha kamiteta na terytoryi Biełarusi. Ukazam ustanaŭlivajecca zabarona na vykarystańnie alimpijskaj i paralimpijskaj simvoliki dla abaznačeńnia jurydyčnych asob, abjektaŭ, tavaraŭ, rabot i pasłuh, za vyklučeńniem vypadkaŭ, kali prava na takoje vykarystańnie dadziena mižnarodnymi abo nacyjanalnymi alimpijskim i paralimpijskim kamitetami.
Infarmacyja ab paradku i ŭmovach atrymańnia dazvołu budzie raźmiaščacca na aficyjnych sajtach NAK Biełarusi i Paralimpijskaha kamiteta Biełarusi ŭ internecie.
U adnosinach da tavarnych znakaŭ i znakaŭ absłuhoŭvańnia, paśviedčańni na jakija vydadzieny da ŭstupleńnia ŭ siłu ŭkaza, praduhledžana mahčymaść vykarystańnia alimpijskaj i paralimpijskaj simvoliki da zakančeńnia terminu dziejańnia ich rehistracyi.
Akramia taho, ustanaŭlivajecca, što dziaržaŭnyja niekamiercyjnyja arhanizacyi fizičnaj kultury i sportu, siarednija škoły — vučyliščy alimpijskaha reziervu zachoŭvajuć prava na vykarystańnie alimpijskaj i paralimpijskaj simvoliki ŭ svaich nazvach.
«Pryniaćcie hetaha ŭkaza asabliva aktualnaje napiaredadni praviadzieńnia ŭ Minsku II Jeŭrapiejskich hulniaŭ u 2019 hodzie. Ukaz raspracavany ŭpieršyniu z ulikam pieradavoha mižnarodnaha vopytu ŭ hetaj śfiery i rekamiendacyj Mižnarodnaha alimpijskaha kamiteta.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary