Biełaruskija i polskija parłamientaryi adkryta abmiarkoŭvajuć usie prablemy ŭzajemadziejańnia dźviuch krain, zajaviŭ siońnia žurnalistam staršynia Savieta Respubliki Michaił Miaśnikovič, padvodziačy pieršyja vyniki vizitu ŭ Biełaruś polskaj parłamienckaj delehacyi na čale z maršałkam sienata Polščy Stanisłavam Karčeŭskim.
«My byli adkrytymi, abmierkavali prablemnyja pytańni, jakija isnujuć va ŭzajemadziejańni. U mnohim zblizili našy pazicyi, znajšli ŭzajemavyhadnyja rašeńni i, hałoŭnaje, damovilisia, što kantakty buduć rehularnymi», — skazaŭ śpikier. «U nas niama zakrytaj tematyki», — skazaŭ jon.
Jak padkreśliŭ Stanisłaŭ Karčeŭski, jaho vizit pakazvaje, što ŭ Biełarusi i Polščy vialiki patencyjał u supracoŭnictvie pa roznych napramkach. Baki damovilisia ab štohadovym praviadzieńni forumu rehijonaŭ i ekanamičnaha forumu pa čarzie ŭ Polščy i Biełarusi.
Polskaja parłamienckaja delehacyja siońnia prysutničała na pasiadžeńni Savieta Respubliki, dzie razhladałasia pytańnie ab ratyfikacyi biełaruska-polskaha pahadnieńnia ab supracoŭnictvie ŭ adukacyi. Sienatary prahałasavali za ratyfikacyju dakumienta, jaki, jak adznačyŭ, pradstaŭlajučy dakumient parłamientaryjam, ministr adukacyi Michaił Žuraŭkoŭ, pasadziejničaje raźvićciu pramych kantaktaŭ pamiž ustanovami adukacyi, uzajemaabmienu studentami, aśpirantami i piedahahičnymi rabotnikami. Pahadnieńnie praduhledžvaje arhanizacyju pavyšeńnia kvalifikacyi i pierapadrychtoŭku piedahahičnych rabotnikaŭ u halinie biełaruskaj i polskaj fiłałohii, udzieł u sumiesnych adukacyjnych mierapryjemstvach.
Kožny navučalny hod krainy mohuć na piać miesiacaŭ nakiroŭvać adna adnoj na navučańnie pa dziesiać studentaŭ, aśpirantaŭ, daktarantaŭ. Štohod na ŭmovach parytetu Biełaruś i Polšča mohuć prymać na navučańnie ŭ VNU da 20 čałaviek, jakija naležać da nacyjanalnych mienšaściej. Što datyčycca piedahahičnych rabotnikaŭ, to baki hatovy prymać na stažyroŭki kožny hod pa 12 čałaviek terminam na adzin miesiac.
Maršałak sienata Polščy, vystupajučy pierad členami Savieta Respubliki, adznačyŭ važnaść ratyfikavanaha imi pahadnieńnia dla dalejšaha raźvićcia dvuchbakovych adnosin, umacavańnia ŭzajemadavieru pamiž krainami.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary