Ministerstva infarmacyi Biełarusi abnaviła respublikanski śpis ekstremisckich materyjałaŭ. Jon apublikavany na sajcie haziety «Sovietskaja Biełoruśsija».
U abnoŭleny śpis uvajšli šerah knižnych i drukavanych vydańniaŭ, videamateryjały, hrupy i staronki ŭ sacyjalnych sietkach, roznaja pradukcyja, sajty i artykuły.
Tak, u jaho trapiŭ šerah knih rasijskaha vydaviectva «Ałharytm» hramadska-palityčnaj i histaryčnaj nakiravanaści. U pryvatnaści, heta knihi «Zahadka sijonskich pratakołaŭ», «Tajny suśvietny ŭrad», «Ruski supraciŭ» Aleha Płatonava, «Iha iudziejskaje» Barysa Mironava. Pad zabaronaj i šerah vydańniaŭ «Pravasłaŭnaj inicyjatyvy», takija jak «Niama drennych narodaŭ», «Prysud zabivajučym Rasiju» Mironava i h. d.
Pryznanyja ekstremisckimi niekatoryja drukavanyja vydańni, pryśviečanyja isłamu. Toje ž samaje tyčycca «Majn Kampf» Adolfa Hitlera i inšych knih ab im.
Ekstremisckim taksama pryznany šerah pradukcyi (znački, nalepki, nalepki, maniety, hurtki i t. p.) z nacysckaj simvolikaj.
U śpis patrapili taksama aŭdyjo - i videamateryjały, karystalniki i hrupy ŭ sacyjalnych sietkach Ukantakcie, Facebook i Twitter.
Poŭny śpis raźmieščany na sajcie «SB» u adpaviednaści z pastanovaj Savieta ministraŭ ad 23 krasavika 2007 hoda «Ab paradku viadzieńnia i apublikavańnia respublikanskaha śpisu ekstremisckich materyjałaŭ».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary