Spadčyńnica patryjarcha Aleksija II (Alaksieja Rydyhiera), 80-hadovaja Alaksandra Śmirnova, padała zajavu ŭ Arbitražny sud Maskvy z patrabavańniem uklučyć jaje ŭ śpis kredytoraŭ «Vniešprombanka» (licenzija adklikanaja ŭ studzieni 2016 hoda), paviedamlaje «Mieduza».
Mienavita tam znachodzilisia rachunki, na jakich lažali asabistyja źbieražeńni niabožčyka patryjarcha ahulnaj sumaj kala 300 miljonaŭ rasijskich rubloŭ — 2,92 miljona dalaraŭ, 8829 jeŭra i 9,37 miljona rubloŭ. Śmirnova patrabuje viarnuć joj krychu bolš za 305 miljonaŭ rubloŭ.
Pavodle sudovych materyjałaŭ, Rydyhier skłaŭ zaviaščańnie jašče ŭ 1976 hodzie, pryznačyŭšy svajoj spadčyńnicaj uradženku Jarasłaŭskaj vobłaści Alaksandru Śmirnovu. Śmirnova, u duchoŭnym žyćci — ihumieńnia Fiłareta, była najbližejšaj paplečnicaj patryjarcha, jakaja praviała pobač ź im bolš za 40 hadoŭ. Ciapier Fiłareta — nastajacielnica maskoŭskaha padvorja Piuchcickaha Śviata-Uśpienskaha staŭrapihijalnaha žanočaha manastyra, raźmieščanaha ŭ Estonii.
Piuchcicki Śviata-Uśpienski manastyr byŭ adzinym žanočym manastyrom na terytoryi SSSR, jaki nie byŭ zakryty ŭładami za ŭvieś saviecki pieryjad; bolš za toje, tudy navat prymali novych pasłušnic. Adna sa sprob raspuścić manastyr była zroblenaja ŭ 1961 hodzie (terytoryju chacieli addać pad sanatoryj), ale jaje praduchiliŭ usio toj ža budučy patryjarch Aleksij, jaki tady byŭ jepiskapam Talinskim i Estonskim.
Mienavita Fiłareta była pieršaj, chto daviedaŭsia ab śmierci Aleksija II, — jana znajšła patryjarcha miortvym 5 śniežnia 2008 hoda.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary