Prezident ZŠA Barak Abama padpisaŭ rasparadžeńnie, jakoje zdymaje abmiežavańni na pastaŭki zbroi ŭ Siryju. Dakumient apublikavany na sajcie Biełaha doma.
U tekście ckazana, što dazvoł na pastaŭki zbroi nie datyčyć rehularnaj siryjskaj armii, a adnosicca da sił mižnarodnaj kaalicyi i niezaležnych hrupovak, jakija ŭdzielničajuć u kanflikcie. Pastaŭki, piša Abama, pavinny dapamahčy ŭ dziejańniach ZŠA pa baraćbie z teraryzmam.
Krynica TASS u amierykanskaj administracyi rastłumačyła, što zabaronu nieabchodna źniać, bo Siryja ličycca dziaržavaj-sponsaram teraryzmu i na jaje raspaŭsiudžvajucca sankcyi. Pa słovach surazmoŭcy ahienctva, novaje rasparadžeńnie zrobić mahčymym padrychtoŭku nastupleńnia na Raku, jakaja ličycca stalicaj «Isłamskaj dziaržavy».
