U Biełarusi źbirajucca pavysić košt prajezdu ŭ haradskim hramadskim transparcie. Bilet na adnu pajezdku, jak čakajecca, padaražeje na 5 kapiejek. Pra heta TUT.BY paviedamili krynicy, źviazanyja z «Minsktransam» i abłtransami.
— Pavyšeńnie koštu prajezdu płanujecca pa ŭsioj respublicy na adnu i tuju ž sumu — 5 kapiejek. Što ŭ Viciebsku, što ŭ Breście, što ŭ Połacku, — raspavioŭ hiendyrektar «Viciebskabłaŭtatransa» Vasil Dziatłaŭ. — Dumaju, što da Novaha hoda ceny padymucca.
Hetuju infarmacyju taksama paćvierdziŭ hiendyrektar «Brestabłaŭtatransa» Ananij Chvaściuk.
— Pytańnie pavyšeńnia koštu prajezdu ŭ hramadskim transparcie na 5 kapiejek razhladajecca, ale jano pakul nie vyrašanaje. Heta budzie vyrašać Miniust. My čakajem, što ŭ śniežni pavysim košt prajezdu, ale dakładnuju datu skazać nie mahu, — udakładniŭ Ananij Chvaściuk. — Nam nieabchodna bolšaje pavyšeńnie taryfaŭ, ale mnohaje zaležyć ad płaciežazdolnaści nasielnictva, tamu strymlivajuć pavieličeńnie koštu prajezdu.
Pa słovach Chvaściuka, u abłasnych centrach košt prajezdu paśla pavyšeńnia składzie 45 kapiejek.
U Minsku majuć namier padniać na 5 kapiejek ceny na prajezd u naziemnym hramadskim transparcie, tak i ŭ mietro. Takim čynam, pajezdka ŭ staličnym naziemnym hramadskim transparcie budzie kaštavać 55 kapiejek, a ŭ mietro — 60.
Pry hetym prajaznyja, jak čakajecca, u stalicy padaražejuć na 5%. Akramia taho, «Minsktrans» taksama źbirajecca ŭvieści prajaznyja na sutki i dvoje sutak.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary