Abrany prezident ZŠA Donald Tramp prapanavaŭ na pasadu ministra ŭnutranych spraŭ kanhresmiena-respublikanca ad štata Mantana Rajana Zinka. Jak i inšych prezidenckich naminantaŭ, kandydaturu Zinka pavinien zaćvierdzić sienat.
MUS ZŠA, u adroźnieńnie ad mnohich anałahičnych viedamstvaŭ u inšych krainach, nie kiruje palicyjaj abo pienitencyjarnaj sistemaj, a kiruje ziemlami, jakija znachodziacca ŭ fiederalnaj ułasnaści, pryrodnymi resursami, a taksama zajmajecca prahramami, źviazanymi z karennymi narodami.
Zinku 55 hadoŭ, jon były śpiecnazaviec, jaki vajavaŭ u Iraku, maje dźvie ŭznaharody za bajavyja misii. U 2014 hodzie Zink pryciahnuŭ uvahu ŚMI, nazvaŭšy Chiłary Klintan «antychrystam».
«Kanhresmen Zink vystupaje za enierhietyčnuju niezaležnaść ZŠA. Jon padtrymlivaje usieahulnuju enierhietyčnuju palityku, jakaja praduhledžvaje vykarystańnie adnaŭlalnych krynic enierhii, vykapniaŭ i alternatyŭnych krynic», - acharaktaryzavaŭ kandydata Trampa pradstaŭnik prezidenckaha štaba Džejsan Miler.
Kamientary