Departamient achovy MUS: Vasil Varuščanka zvolnieny z orhanaŭ u 2013 hodzie
Pres-słužba Departamienta achovy MUS adreahavała na publikacyju na sajcie nn.by: «Takoha vy jašče nie bačyli: foty hamielčuka, jaki abraziŭ biełaruskuju movu».
«Hety čałaviek nie źjaŭlajecca supracoŭnikam orhanaŭ unutranych spravaŭ. U 2013 hodzie jon byŭ zvolnieny i ŭ dadzieny momant nie maje nijakaha dačynieńnia da Departamienta achovy!» — napisała staršaja inśpiektarka adździaleńnia infarmacyi i hramadskich suviaziaŭ Departamienta achovy MUS Alena Homan.
Tym nie mienš, na svajoj staroncy Ukantakcie Vasil Varuščanka jašče ŭ 2015 hodzie vykarystoŭvaŭ zdymki z bedžam supracoŭnika MUS i milicejskaj formy nie nadta pryvabnym čynam.
A zdymak, zrobleny ŭ budynku suda, dzie Vasil Varuščanka zakidaje nohi na stoł sudździ pad dziaržaŭnym hierbam Biełarusi, datavanyja akurat 2013 hodam. Prosty čałaviek nie moža trapić u zału sudovych pasiedžańniaŭ, a tym bolš sieści na miesca sudździ.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary