Minskim rajonnym adździełam Śledčaha kamiteta na padstavie zajaŭ ad hramadzian raspačata bolš za 10 kryminalnych spraŭ ab machlarstvie ŭ bujnym pamiery, jakoje ździejśniŭ žychar Minska, paviedamlaje pres-słužba Śledčaha kamiteta.
Pa dadzienych śledstva, 31-hadovy mužčyna sa žniŭnia 2013 hoda pa studzień 2016 hoda zavałodaŭ hrašovymi srodkami 13 hramadzian na sumu zvyš 60 tys. dalaraŭ ZŠA. Abvinavačvany, pracujučy na adnym z pradpryjemstvaŭ Minskaha rajona, z karyślivaj zacikaŭlenaści na roznych padstavach braŭ u hramadzian u doŭh hrašovyja srodki, zahadzia nie majučy namieru vykonvać svaje abaviazacielstvy pa ich viartańni, paviedamlaje SK.
Karystajučysia davierlivaściu byłych kaleh, a taksama małaznajomych hramadzian, zajmaŭ u ich vialikija sumy hrošaj u valucie, ad 1000 da 7000 dołaraŭ ZŠA, harantujučy viartańnie i vypłatu pracentaŭ ad sumy doŭhu.
Kryminalnyja spravy złučanyja ŭ adnu vytvorčaść, u ramkach jakoha źbirajecca dokaznaja baza pa złačynnych dziejańniach, vyśviatlajucca paciarpiełyja i dakładny pamier naniesienaj škody.
Mužčynu pradjaŭlenaje abvinavačvańnie ŭ ździajśnieńni machlarstva. U dačynieńni da jaho ŭžytaja miera strymańnia ŭ vyhladzie zaklučeńnia pad vartu.
