Cacyjahumanitarnyja (u tym liku fiłasofskija) dyskusii, jakija viaducca vakoł novych adkryćciaŭ u halinie bijatechnałohij, najčaściej za ŭsio skancentravany na etyčnych prablemach i sacyjalnych ryzykach jak nastupstvach hetych adkryćciaŭ. Śćviardžajecca, što sučasnaje bijatechnałahičnaja raźvićcio - pierš za ŭsio, u toj častcy, dzie abjektam mahčymych interviencyj i transfarmacyj vystupaje sam čałaviek, - pahražaje našamu bazavamu samarazumieńniu, jakoje intuityŭna schoplivajecca nami ŭ paniaćci «čałaviečaja hodnaść». Nie admaŭlajučy słušnaści hetaha krytyčnaha padychodu, prapanujem pahladzieć na heta ź inšaha boku i parazvažać pra ŭnikalny eŭrystyčny efiekt, jaki niasuć niekatoryja bijatechnałahičnyja navacyi dla našaha maralnaha samarazumieńnia. Tak što ž važnaha pra nas samich mohuć raskazać nam bijatechnałohii?
Latučy ŭniviersitet i Mižnarodny kansorcyum «JeŭraBiełaruś» u miežach cykła «Ujaŭlajučy Biełaruś: idei i vobrazy dla supolnaj budučyni» zaprašajuć na publičnuju pramovu fiłosafa, prafiesara Departamienta sacyjalnych i palityčnych navuk EHU Taćciany Ščytcovaj. Lekcyja «Maralnaja eŭrystyka bijatechnałahičnaha raźvićcia» adbudziecca 21 śniežnia a 18.30 u halerei Ŭ (pr-t Niezaležnaści, 37a). Uvachod volny!
Anonsy i videazapisy ŭsich publičnych lekcyj Latučaha ŭniviersiteta možna znajści na sajcie ŭniviersiteta.
