ES hatovy pracavać z kamandaj nastupnaha prezidenta ZŠA, adnak nie vyklučaje, što ŭ asobnych vypadkach mahčyma abjadnańnie z RF z metaj supraćstajać rašeńniu amierykanskaj administracyi.
Pra heta zajaviła pradstaŭnik ES pa pytańniach źniešniaj palityki i biaśpieki Fiederyka Mahieryni ŭ intervju The Wall Street Journal.
«My hatovyja da ŭzajemadziejańnia, zasnavanaha na analizie taho, dzie našy intaresy supadajuć. Dumaju, što ŭ pieraliku hłabalnych i rehijanalnych kanfliktaŭ i vyklikaŭ my znojdziem šmat takich, dzie našy intaresy razychodziacca, abo takich, dzie my mahli b vypracavać ahulny padychod», — skazała jana.
Pry hetym Mahieryni vykazała zdahadku pra mahčymaść situacyj, kali ES moh by abjadnacca z Rasijaj u vypadku niehatyŭnych krokaŭ administracyi Tramp.
«Možna znajści pytańni, u jakich ja nie ździŭlusia pabačyć jeŭrapiejcaŭ i rasiejcaŭ pa adzin bok», — adznačyła jana.
Kiraŭnica jeŭrapiejskaj dypłamatyi, u pryvatnaści, ličyć, što ahulnyja intaresy ŭ ES i RF mohuć być pierš za ŭsio ŭ pytańni zachavańnia damoŭlenaściej pa jadziernaj damovie ź Iranam, parušyć jakija, mahčyma, zachoča Tramp paśla aficyjnaha ŭstupleńnia na pasadu. Pavodle jaje słoŭ, takija dziejańni amierykanskaha lidara mohuć vyklikać niezadavolenaść Rasii, pakolki prezident RF Uładzimir Pucin mnohaje zrabiŭ dla taho, kab ździełka adbyłasia.
Pry hetym, adznačyła Mahieryni, Iran moža być nie adzinym pytańniem, u jakim mahčyma ŭzajemadziejańnie RF i ES. U toj ža čas jana anansavała praciah sankcyj suprać RF praz Ukrainu, jaki čakajecca ŭ najbližejšy čas.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary