U administracyi prezidenta ZŠA zajavili, što rasijski prezident Uładzimir Pucin moh prymać niepasredny ŭdzieł u chakierskaj apieracyi, jakaja mieła metaj ŭmiašalnictva ŭ vybarčy praces u Złučanych Štatach.
Daradca tahačasnaha prezidenta Baraka Abamy Ben Roŭds zajaviŭ, što Pucin žorstka kantraluje lubyja apieracyi, što vykonvajucca rasijskim uradam, z čaho vynikaje, što jon byŭ u kursie taho, što adbyvajecca.
«Usio, što nam viadoma, pra toje, jak dziejničaje Rasija, i jak Pucin kantraluje svoj urad, pakazvaje na toje, što, znoŭ-taki - kali vy viadziecie havorku ab maštabnym elektronnym umiašańni nakštałt hetaha, — to my havorym ab samych vysokich pavierchach ŭłady», - skazaŭ Roŭds.
«I ŭ kančatkovym vyniku Uładzimir Pucin źjaŭlajecca aficyjnaj asobaj, adkaznaj za dziejańni rasijskaha ŭrada», — dadaŭ daradca Baraka Abamy.
Pres-sakratar Biełaha doma Džoš Ernest dadaŭ, što, na jaho dumku, fakt udziełu ŭ hetym Pucina całkam vidavočny.
Rasijskija aficyjnyja asoby šmatkroć zajaŭlali pra svaju niedatyčnaść da chakierskich napadaŭ.
U čaćvier u Kramli čarhovy raz z abureńniem adkinuli zdahadki pra toje, što Pucin dyryžyravaŭ uzłomam i vykradańniem dadzienych u nadziei akazać uździejańnie na vynik vybaraŭ prezidenta ZŠA.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary