Kommiersant: Rasija znoŭ daść Biełarusi źnižki i kampiensacyi pa hazie i nafcie

Minsk i Maskva ŭ pačatku nastupnaha tydnia mohuć urehulavać sprečki vakoł doŭhu Biełarusi za rasijski haz i abjomaŭ pastavak nafty. «Kommiersant» piša pra mahčymyja ŭmovy kampramisu. Pa dadzienych vydańnia, Minsk hatovy apłacić $425 młn doŭhu za haz, kali atrymaje novyja tranšy kredytu z antykryzisnaha fondu JeŭrAzES. Akramia taho, Biełaruś choča novych ilhot u vyhladzie $300 młn štohadovaj kampiensacyi za vysokija ceny na haz. Minsk tradycyjna patrabuje cenavych sastupak, kažuć ekśpierty, i Maskva zvyčajna idzie na heta z hieapalityčnych mierkavańniaŭ.

Pasoł Rasii ŭ Minsku Alaksandr Surykaŭ učora zajaviŭ, što pytańni pa pastaŭkach nafty i hazu pamiž Biełaruśsiu i Rasijaj buduć vyrašany da 20 śniežnia. Havorka idzie ŭ tym liku pra roznahałośsi Maskvy i Minska nakont cany rasijskaha hazu i abjomy pastavak nafty z RF. Z-za roznych padychodaŭ da raźliku cany hazu Biełaruś akazałasia vinna «Hazpromu» za pieršaje paŭhodździe kala $300 młn, jakija abiacała apłacić da 20 kastryčnika, ale tak i nie pieraviała hrošy. U jakaści cisku na Minsk RF źniziła pastaŭki nafty (u 2016-2024 hadach pavinny składać 24 młn ton u hod). Ź siaredziny hoda štokvartalnyja abjomy ŭpali da 3,5 młn ton, a z kastryčnika — da 3 młn ton.

«Buduć narmalnyja raźliki za haz — buduć narmalnyja pastaŭki nafty. Adkarektujem bałans, i zdymucca ŭsie pytańni», — adznačyŭ učora Surykaŭ.

Hrafik na pieršy kvartał 2017 hoda sapraŭdy praduhledžvaje rost transparciroŭki nafty ŭ Biełaruś da 4,5 młn ton nafty, paćvierdziŭ daradca prezidenta «Tranśniefci» Ihar Dziomin.

Pa słovach Dziomina, učora na naradzie z udziełam kiraŭnikoŭ «Homieltransnafta Družba» Siarhieja Sasnoŭskaha i «Połacktransnafta Družba» Vasila Drobatava było vyrašana, što «Tranśniefć» da 23 śniežnia daje Minsku pazicyju pa taryfach na prapampoŭku. Novaja staŭka pačnie dziejničać 1 lutaha 2017 hoda.

Zruchi ŭ pieramovach, jak vyśvietliŭ «Kommiersant», źviazanyja z novymi prapanovami Biełarusi pa pahašeńni doŭhu za haz.

Pra ich atrymańnie 8 śniežnia paviedamiŭ vice-premjer RF Arkadź Dvarkovič, u toj ža dzień Saviet ministraŭ Biełarusi zajaviŭ, što «ŭ jakaści žestu dobraj voli» zrabiŭ avansavy płaciož za haz. Jak raspaviali krynicy, znajomyja ź situacyjaj, Minsk vykazaŭ hatoŭnaść pahasić $425 młn pramoj zapazyčanaści za rasijski haz z pačatku hoda. Ale Biełaruś chacieła b u takim vypadku ŭ bližejšy čas atrymać treci i čaćviorty tranšy kredytu z antykryzisnaha fondu JeŭrAzES. U hetym hodzie Minsk užo atrymaŭ pieršyja dva tranšy (usiaho na $ 800 młn), ahulny pamier uchvaleny fondam kredytu - $2 młrd siamju tranšami. U aŭtorak ministr finansaŭ Biełarusi Uładzimir Amaryn zajaviŭ, što raźličvaje na atrymańnie $ 300 młn treciaha tranšu da kanca hoda.

Pa dadzienych «Kommiersanta», Rasija ŭ abmien na poŭnaje pahašeńnie hazavaha doŭhu abiacała de-fakta subsidavać ź biudžetu pastaŭki hazu dla biełaruskaha enierhasiektara z druhoha paŭhodździa 2016 hoda pa pieršaje paŭhodździe 2019 hoda. Subsidyja pavinna skłaści prykładna $ 300 młn u hod, Minsk nastojvaŭ na bolšym abjomie.

Miechanizm pradastaŭleńnia subsidyi pavinien być nastupnym: Biełaruś zdoleje zaličvać u svoj biudžet pošliny ad ekspartu pradukcyi rasijskaj nafty, jakaja pastaŭlajecca ŭ krainu (tak heta adbyvajecca z vypracavanymi ź jaje naftapraduktami). Abjom hetaj nafty budzie abmiežavany: jon pavinien štokvartalna ŭzhadniacca i budzie ŭličvacca ŭ ramkach ahulnaha bałansu pastavak, jaki na 2017 hod składaje 24 młn ton (heta značyć pastaŭki na biełaruskija NPZ źniziacca). Pry ciapierašniaj canie na naftu «lhotny abjom» dla farmiravańnia subsidyi $ 300 młn moža skłaści prykładna 3 młn ton u hod.

Choć schiema ŭ cełym ŭzhodniena, roznahałośsi zastajucca - u pryvatnaści, pa słovach šerahu surazmoŭcaŭ «Kommiersanta», Biełaruś chacieła b pavieličeńnia pastavak nafty da 26 młn ton. Ale najbolš pryncypovaje pytańnie doŭhu: RF patrabuje nieadkładnaha pahašeńnia, a Minsk vystaŭlaje ŭsio novyja ŭmovy, kažuć krynicy vydańnia.

• 0
• 0
• 0
• 0
• 0
• 0
• 0
• 0