Viadomaja biełaruskaja madel, arhanizatar šou i konkursaŭ pryhažości Natalla Makiej pamierła ad atručeńnia čadnym hazam. Joj było 43 hady.
— Niešta zdaryłasia z katłom u jaje domie. Natalla była adna, zasnuła i nie pračnułasia, — raspaviali Tut.by ŭ «Škole madelinhu Natalli Makiej». — Pachavańnie adbudziecca ŭ subotu.
Natalla Makiej skončyła politechničnuju akademiju. Jašče ŭ časy studenctva pačała ŭdzielničać u pakazach i rekłamnych zdymkach jak madel. Svajo ahienctva adkryła ŭ 2002 hodzie. Jana taksama viadomaja jak arhanizatar šou, konkursaŭ pryhažości, nieadnarazova ŭvachodziła ŭ skład žury konkursaŭ pryhažości ŭ Biełarusi i Rasii.
Na pytańnie internet-vydańnia pra modu SALON375, jakoje dasiahnieńnie ŭ svajoj prafiesijnaj karjery ličyć samym surjoznym, Natalla adkazała: «Jano jašče napieradzie. Ja vielmi krytyčna staŭlusia da svajoj pracy i toje, što my vystajali na rynku i majem pavahu siarod zakazčykaŭ i madelaŭ, napeŭna, čahości varta. Da taho ž skončyŭšy adzin prajekt, jaki aŭtamatyčna stanovicca «historyjaj», u mianie ŭžo ŭ hałavie šmat tvorčych idej dla nastupnaha».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary