Alaksandr Łukašenka patrabuje ad kantralujučych orhanaŭ krainy dziejničać u svajoj pracy akuratna i spraviadliva. Ab hetym kiraŭnik dziaržavy zajaviŭ siońnia na naradzie ab vynikach pravierki dziejnaści Kamiteta dziaržaŭnaha kantrolu, paviedamlaje BiełTA.
«Vy viedajecie maje ŭstanoŭki adnosna efiektyŭnaści vykarystańnia biudžetnych srodkaŭ i dziaržaŭnaj ułasnaści. Racyjanalnaje raschodavańnie kožnaha biudžetnaha rubla — heta i załoh biaśpieki našaj krainy, — skazaŭ kiraŭnik krainy. — Žyćcio prymušaje nas ličyć kožnuju kapiejku i być maksimalna efiektyŭnymi».
Alaksandr Łukašenka adznačyŭ, što kantralavać vydatki biudžetu i vykarystańnie dziaržmajomaści abjektyŭna nieabchodna i heta adna z najvažniejšych funkcyj dziaržavy. «Ale treba dziejničać akuratna i spraviadliva. Pakarańnie pakarańniu roźnica — ad zaŭvahi da bujnych štrafnych sankcyj i kryminalnych spraŭ. Ale kali my bačym pamyłki, drobnyja parušeńni, to hetyja štrafy i pakarańni nie pavinny pryvodzić da krachu abo likvidacyi pradpryjemstvaŭ, jakija hadami papaŭniali biudžet padatkami», — padkreśliŭ kiraŭnik dziaržavy.
Jon pryvioŭ adzin ź śviežych prykładaŭ, kali «Biełkamunmaš» pa techničnaj pryčyny nie dapłaciŭ Br91 kap. padatkaŭ, za što padatkovyja orhany na niekalki dzion aryštavali pramysłovamu hihantu rachunki. U vyniku pradpryjemstva paniesła straty. «Heta ŭ intaresach dziaržavy i ci dumali tyja ludzi, jakija błakavali raźlikovy rachunak pradpryjemstva?» - zadaŭ jon rytaryčnaje pytańnie.
«Treba dziejničać pa-dziaržaŭnamu! Heta datyčycca ŭsich kantralujučych orhanaŭ, a Kamiteta dziaržkantrolu ŭ pieršuju čarhu. Bo jon nadzieleny šyrokimi paŭnamoctvami pa ažyćciaŭleńni kantrolnaj, fiskalnaj, pravaachoŭnaj dziejnaści i finansavaj raźviedki, — padkreśliŭ biełaruski lidar. — Biazdumny padychod u pracy kantraloraŭ niedapuščalny ŭ pryncypie».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary