Hramadska-handlovy abjekt na miescy 2-j balnicy budzie budavać kampanija, suhučnaja ź sierbskim kurortam
Uźviadzieńniem hramadska-handlovaha abjekta na miescy 2-j balnicy zojmiecca kampanija «Kapaonik» z AAE. Pra heta na pres-kanfierencyi «Ab vynikach sacyjalna-ekanamičnaha raźvićcia horada» raspavioŭ staršynia Minharvykankama Andrej Šorac.
Pa słovach mera, dakumient byŭ padpisany litaralna ŭčora.
«Ciapier raspracoŭvajecca prajektna-kaštarysnaja dakumientacyja, i, dumaju, što ŭ pačatku nastupnaha hoda pačniom vyzvalać hetuju placoŭku. Z ulikam taho, što jany ŭmiejuć budavać chutka, jakasna, cikava, vielmi chutka tam źjavicca abjekt», - paviedamiŭ žurnalistam Šorac.
Abjekt budzie vykonvać roznyja funkcyi. «Tam budzie hramadskaja, haściničnaja, dziełavaja, restarannaja, bucikovaja zony. Heta značyć budzie takoj hramadska-handlovy abjekt dosyć cikavaj i śmiełaj architektury», — skazaŭ Šorac i paabiacaŭ, što prajekt budzie prezientavany ŭ chutkim časie.
«U nas išli vielmi doŭhija, ciažkija pieramovy. Kampanija raniej nie pracavała na rynku Biełarusi», — adznačyŭ jon.
«Kapaonik» — tak nazyvajecca papularny sierbski kurort. Jon naležyć bratam Karyčam. Sierbskija biźniesmieny daŭno viadomyja i siabroŭskimi suviaziami z Alaksandram Łukašenkam. Pa paviedamleńni serbskich ŚMI, pa zaprašeńni Karyčaŭ prezident Biełarusi ŭ sakaviku 2009 hoda pabyvaŭ na hetym sierbskim kurorcie.
Braty Karyčy realizujuć u Biełarusi šerah prajektaŭ u śfiery budaŭnictva. U liku bujnych abjektaŭ šmatfunkcyjanalny kompleks «Minsk-Śviet», «Majak Minska», žyły kompleks «Vivaldzi» i inšyja.
Jany ličylisia adnymi z samych upłyvovych biznesoŭcaŭ Sierbii ŭ časy praŭleńnia Słabadana Miłošaviča.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary