Ab prablemie zabarony na pastaŭku biełaruskich praduktaŭ charčavańnia šmat havorycca, u tym liku — pa televizary, ale dzie, naprykład, zvaroty ŭ sud, pacikaviŭsia kiraŭnik Savieta Respubliki Michaił Miaśnikovič u vice-premjera Michaiła Rusaha ŭ sieradu ŭ chodzie sumiesnaha pasiadžeńnia parłamienta.
Kali Biełaruś nie zhodnaja z pradjaŭlenymi pretenzijami, a Rasija ihnaruje isnujučy paradak razhladu pretenzij, to čamu niama zvarotaŭ u adpaviedny sud u JEAES, kab nam kampiensavali škodu, aburyŭsia Miaśnikovič.
«Vy kažacie pra rost pastavak adnosna małaka na 4% i bolš za 15% pa miasie. Heta vydatna. Ale spyniajucca cełyja pradpryjemstvy — baranavickaja «Družba» ŭžo stolki miesiacaŭ nie moža pradavać, Biarozaŭski syrarobny zavod, jaki vypuskaje vysakakłasnuju pradukcyju, ale prosta zakryty (na Rasiju). Siaredniaja tempieratura pa balnicy, pra jakuju vy kažacie, nie zusim abjektyŭnaja. Treba adnaznačna stavić pytańnie, u tym liku, dla sudovaha razhladu, pradjaŭlać pazovy za nieabhruntavanaje zakryćcio pradpryjemstvaŭ. A raspaviadać na biełaruskim telebačańni, jakija ŭ nas tavary - dyk heta nie bačyć Rasija.
Rusy zapeŭniŭ, što prablema budzie vyrašana, ale paskardziŭsia, što ŭ sudach — vielmi doŭha.
«Niešta nie čuŭ ja, kab takija spravy naohuł razhladalisia», — paryravaŭ Miaśnikovič.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary