U stalicy doktar vyvodziŭ ludziej z zapoju pry dapamozie miedykamienta ź psichatropnym efiektam. Svaju dziejnaść jon ažyćciaŭlaŭ doma, pieradaje Partyzanski RUUS.
Viadoma, što parušalnik byŭ aficyjna pracaŭładkavany ŭ adnym ź miedycynskich centraŭ horada. Tam jon vyvodziŭ ludziej z zapoju. Akramia hetaha, jon arhanizavaŭ nieaficyjnuju dziejnaść. 35-hadovy śpiecyjalist ažyćciaŭlaŭ «zamovy na źniaćcie pachmiella» doma. Dla hetaha jon karystaŭsia lekavym srodkam pad nazvaj «Dyjaziepam», jaki vałodaje psichatropnym efiektam.
Pry hetym kalehi złamyśnika nie mieli paniaćcia ab dadatkovaj dziejnaści ich tavaryša.
Pravaachoŭnyja orhany zatrymali parušalnika padčas adnaho z takich sieansaŭ na vulicy Ščarbakova. Padčas pieratrusu ŭ doktara vyjavili vosiem ampuł, dvaccać adnu tabletku i dva šprycy z vyšejzhadanym rečyvam.
U dačynieńni da mužčyny raspačali kryminalnuju spravu pa častcy 1 artykuła 328 Kryminalnaha kodeksa RB.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary