21 śniežnia Saviet Respubliki ŭ adpaviednaści z Kanstytucyjaj abraŭ šeść čalcoŭ novaha składu Centralnaj kamisii pa vybarach i praviadzieńni respublikanskich refierendumaŭ, paviedamlaje BiełaPAN.
Hałasavańnie było tajnym.
U novy skład Centrvybarkama ŭvajšli:
- Andrej Huržy, namieśnik načalnika hałoŭnaha jurydyčnaha ŭpraŭleńnia Homielskaha abłvykankama;
- Volha Darašenka, načalnik jurydyčnaha adździeła Mahiloŭskaha abłvykankama;
- Śviatłana Kacuba, siabra CVK ad 2009 hoda, zahadčyca kafiedry haspadarčaha prava Homielskaha dziaržaŭnaha techničnaha ŭniviersiteta imia Suchoha;
- Alaksandr Łasiakin, były deputat Pałaty pradstaŭnikoŭ, dyrektar Viciebskaha dziaržaŭnaha technałahičnaha kaledža;
- Ihar Płyšeŭski, načalnik hałoŭnaha jurydyčnaha ŭpraŭleńnia Minharvykankama;
- Iryna Cielikaviec, pieršy namieśnik načalnika hałoŭnaha jurydyčnaha ŭpraŭleńnia Minskaha abłvykankama.
20 śniežnia Alaksandr Łukašenka čalcami Centrvybarkama pryznačyŭ Alenu Dmuchajłu, Vadzima Ipatava, Siarhieja Kalinoŭskaha, Marynu Rachmanavu i Aleha Śližeŭskaha. Usie jany ŭvachodzili ŭ papiaredni skład CVK, termin paŭnamoctvaŭ jakoha skončyŭsia 20 śniežnia.
Staršynioj Centralnaj kamisii pa vybarach i praviadzieńni respublikanskich refierendumaŭ Łukašenka 20 śniežnia pryznačyŭ Lidziju Jarmošynu. Siońnia heta pryznačeńnie paćvierdziŭ Saviet Respubliki.
Jak adznačyła ŭ hutarcy z žurnalistami Jarmošyna, upieršyniu jana realizavała ideju farmiravańnia kamisii ŭ poŭnym składzie ź jurystaŭ. «Ja ŭpeŭniena, što heta pavyšeńnie imidžu Centralnaj kamisii nie tolko ŭ hramadstvie, a najpierš za miažoj. U nas, u Biełarusi, Centrvybarkamu ničoha dakazvać nie treba, ale dla tych, chto sustrakajecca z našymi pradstaŭnikami za miažoj, zaŭsiody maje značeńnie, chto pradstaŭlaje krainu», — skazała kiraŭnik CVK.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary