Amierykanskija bieśpiłotniki koštam na miljony dalaraŭ akazalisia nieefiektyŭnymi.
Pra heta zajaviŭ daradca načalnika Hienieralnaha štaba Uzbrojenych sił Ukrainy Natan Chazin, piša ahienctva Rojterz.
72 anałahavyja mini-bieśpiłotniki Raven RQ-11B, pieradadzienyja ŭkrainskaj armii hetym letam, tak rasčaravali, što Chazin zajaviŭ, što, kali b jahonaja vola, jon by ich adpraviŭ nazad u Amieryku.
«Ad samaha pačatku rašeńnie vykarystoŭvać hetyja bieśpiłotniki było pamyłkovym», — skazaŭ jon.
Bajeviki akazalisia zdolnyja pierachoplivać abo hłušyć ich.
«Kompleksy źjaŭlajucca anałahavymi, tamu kanały i dadzienyja źjaŭlajucca nieabaronienymi ad pierachopu i hłušeńnia sučasnymi srodkami radyjoelektronnaj baraćby», — skazaŭ Chazin.
Jon dadaŭ, što jany taksama dazvalajuć supierniku vyličvać ukrainskija pazicyi, u ich karotki termin raboty ad batarei, i jany nie zdolnyja vykonvać svaju asnoŭnuju zadaču — raźviedku artyleryjskich pazicyj praciŭnika.
Rašeńnie ab pastaŭkach amierykanskich dronaŭ va Ukrainu doŭha ŭzhadniałasia ŭ Vašynhtonie. Urešcie 38 ukrainskich vajskoŭcaŭ try miesiacy prachodzili navučańnie karystacca imi ŭ štacie Ałabama.
Armija ZŠA da hetaha času vykarystoŭvaje hetyja bieśpiłotniki — praŭda, madernizavanyja da ličbavaj viersii.
Hetyja drony vyrablajucca kampanijaj AeroVironment. Rasijskija siły akazalisia technična lepš padrychtavanymi, čym mierkavali amierykancy.
U vyniku taho, što amierykanskija drony nie spracoŭvajuć, ukraincy vymušanyja praciahvać samastojna źbirać bieśpiłotniki z kampanientaŭ, jakija jany zakuplajuć u Aŭstralii, Čechii i Kitai. Takija ŭłasnaručna zroblenyja drony abychodziacca Ukrainie ŭ 20—25 tysiač dalaraŭ, skazaŭ Chazin, pryčym jany akazvajucca bolš aphrejdžanyja, čym amierykanskija drony koštam 160 tysiač za štuku, jakija Ukraina atrymlivaje ŭ ramkach prahramy vajskovaj dapamohi.
Kamientary