Alaksandr Łukašenka siońnia na adkryćci ruchu pa druhoj Minskaj kalcavoj aŭtadarozie daručyŭ raspracavać płan pa rekanstrukcyi aŭtamabilnych daroh miascovaha značeńnia.
Kiraŭnik dziaržavy adznačyŭ, što ŭ apošni čas vialikaja ŭvaha nadajecca budaŭnictvu trasaŭ respublikanskaha značeńnia, a miascovyja darohi prychodziać u nieprydatnaść. «Abapirajučysia na hetych asnoŭnych arteryjach (ad hetaha nikudy nie dzieniešsia, ich treba było adnaŭlać), my sapraŭdy vypuścili darohi miascovaha značeńnia», — adznačyŭ Alaksandr Łukašenka.
«U bližejšyja miesiacy my źbiaremsia, abmiarkujem i prymiem rašeńnie, jak budziem adnaŭlać darohi miascovaha značeńnia. Kožny ahraharadok (a ich kala dvuch tysiač) pavinien być złučany z rajonnym centram. Ad rajonnych centraŭ da abłasnych u nas bolš-mienš niadrennyja darohi, ale ich taksama siam-tam treba pryvodzić u paradak», — skazaŭ jon.
Płanujecca, što hrašovyja srodki dla ramontu daroh pradastavić adzin z bankaŭ. Viartać kredyt buduć za košt dziaržaŭnaj pošliny, jakuju płaciać hramadzianie za dopusk transpartnaha srodku da ŭdziełu ŭ darožnym ruchu.
«Pakul nie pryniata rašeńnie, roznyja varyjanty budziem razhladać. Ale rašeńnie prymiem ŭ bližejšy čas», — padkreśliŭ kiraŭnik dziaržavy.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary