Mitrapalit Pavieł pra «baciušku sa svastykaj»: Sumna, kali śviatar zajmajecca nie tym, što abiacaŭ Bohu
Mitrapalit Minski i Zasłaŭski Pavieł, Patryjaršy Ekzarch usioj Biełarusi na štohadovym ahulnym schodzie Minskaj jeparchii Biełaruskaj pravasłaŭnaj carkvy prakamientavaŭ niadaŭniaje zatrymańnie byłoha nastajaciela chrama Śviatoha Ducha ŭ pasiołku Hatava Kanstancina Burykina.
«Śviatar zachoŭvaje bojeprypasy, dy jašče niejkuju ahniastrelnuju zbroju… Dačakajemsia zaviaršeńnia śledstva i daviedajemsia padrabiaznaści. Naturalna, potym naš jeparchijalny sud budzie prymać adpaviednaje rašeńnie pa hetym pytańni. Sumna, zamiest taho kab śviatar zajmaŭsia aśvietnickaj pracaj, vychavańniem maładoha pakaleńnia, jon zajmajecca nie tym, što abiacaŭ Bohu», — padkreśliŭ mitrapalit.
Pry hetym mitrapalit raspavioŭ, što skarhi na Burykina pastupali jašče da taho, jak jon byŭ zatrymany. «Ranicaj 18 listapada ŭ nas ź im była razmova, ja vyzvaliŭ jaho ad abaviazkaŭ nastajaciela, a paśla abiedu daviedaŭsia, što a. Kanstancina aryštavali. I jon da hetaha času znachodzicca pad śledstvam», — adznačyŭ Patryjaršy Ekzarch.
Jak paviedamlałasia, upraŭleńnie Śledčaha kamiteta pa Minsku zaviało kryminalnuju spravu ŭ dačynieńni da Kanstancina Burykina, jaki padazrajecca ŭ niezakonnym abarocie bojeprypasaŭ. Jon byŭ zatrymany supracoŭnikami hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS. Dziejańni zatrymanaha kvalifikavanyja pa č.2 art.295 (niezakonnyja dziejańni ŭ dačynieńni da bojeprypasaŭ) KK.
Kamientary