Alaksandr Łukašenka ličyć mahčymym pabudavać druhuju ŭźlotna-pasadačnuju pałasu ŭ Nacyjanalnym aeraporcie Minsk siłami ajčynnych budaŭničych i padradnych arhanizacyj. Ab hetym kiraŭnik dziaržavy zajaviŭ siońnia na cyrymonii adkryćcia ruchu pa MKAD-2, piša BiełTA.
Padčas razmovy kiraŭnika dziaržavy z pradstaŭnikami pracoŭnych kalektyvaŭ darožna-budaŭničych arhanizacyj-padradčykaŭ prahučała mierkavańnie, što da budaŭničych prac u aeraporcie nieabchodna padklučyć biełaruskich budaŭnikoŭ. Alaksandr Łukašenka padtrymaŭ hetuju ideju i vykazaŭ upeŭnienaść, što ajčynnyja arhanizacyi spraviacca z hetaj pracaj.
«My pavinny pabudavać uźlotna-pasadačnuju pałasu. Kali vy bieraciesia za heta, raźmiarkoŭvajcie padrad — tolki my pavinny pabudavać, — padkreśliŭ jon. — Što za prablema? Tam, pa-mojmu, płast nie 40 sm, a 80 sm. Niachaj mietr. Što, my nie pakładziem bieton? Pakładziem. Tym bolš kali vy pra heta skazali. Značyć, vy ŭžo saśpieli dla taho, kab pabudavać hetuju pałasu».
Kamientary