Brytanski muzykant Džordž Majkł pamior na 54-m hodzie žyćcia, paviedamiŭ žurnalistam jaho vydaviec. Pavodle jaho słoŭ, śpiavak mirna pamior u siabie doma ŭ hrafstvie Oksfardšyr u Anhlii, piša Bi-bi-si.
Śmierć vykanaŭcy paćvierdziła i miascovaja palicyja. Mieniedžar śpievaka paviedamiŭ, što pryčynaj śmierci staŭ sardečny prystup.
U 2011 hodzie Džordž Majkł pieranios ciažkuju formu pnieŭmanii. Paviedamlałasia, što tady jon byŭ na miažy žyćcia i śmierci, a z-za aparata štučnaj vientylacyi lohkich jon moh stracić hołas. Adnak paźniej u tym ža hodzie muzyka abviaściŭ pra poŭnaje vyzdaraŭleńnie.
Džordž Majkł naradziŭsia ŭ 1963 hodzie ŭ Łondanie. Svaju muzyčnuju karjeru jon pačaŭ u 1980-ch hadach u składzie dueta Wham, a paśla raspadu hurtu pačaŭ solnuju karjeru. Usiaho muzyka vypuściŭ šeść solnych albomaŭ.
Za svaju karjeru Džordž Majkł atrymaŭ mnostva muzyčnych premij, u tym liku try «Hremi» i piać premij MTV. Jaho apošni albom Symphonica vyjšaŭ u 2014 hodzie.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary