Praz abłasnyja hazety žycharoŭ i haściej Viciebska papiaredzili, što kožny, chto kirujecca ŭ centar horadu musić prajści asabisty kantrol. Jaho buduć ažyćciaŭlać milicyjanty ŭ 5‑ci śpiecyjalna abstalavanych KPP.
Ad 10 lipienia centar horadu abvieščany «režymnaj zonaj»: trapić tudy možna tolki praz kantrolna‑prapuskny punkt, abstalavany mietałašukalnikami.
Admysłovyja miery biaśpieki ŭviedzienyja z nahody fiestyvalu «Słavianski bazar u Viciebsku», jaki raspačniecca zaŭtra ŭviečary i budzie praciahvacca da 18 lipienia.
Praz abłasnyja hazety žycharoŭ i haściej Viciebska papiaredzili, što kožny, chto kirujecca ŭ rajon letniaha amfiteatru i inšych kancertnych placovak paśla 16‑j dnia, musić prajści asabisty kantrol. Jaho buduć ažyćciaŭlać milicyjanty ŭ 5‑ci śpiecyjalna abstalavanych KPP.
Nie prapuściać minakoŭ ź vialikimi sumkami, a taksama ź luboha kštałtu pradmietami, padobnymi da zbroi — da prykładu, z cacačnymi dziciačymi aŭtamatami ci suvenirnymi zapalničkami, stylizavanymi pad pistalet. Na terytoryi režymnaj zony zabaroniena ŭžyvać soki ŭ pakietach i lubyja inšyja napoi ŭ nieprazrystych butelkach. Za miežy fiestyvalnaha centru vyniesienyja ŭsie transpartnyja prypynki, nie zmohuć trapić siudy i pryvatnyja aŭtamašyny.
Paśla vybuchu ŭ Miensku ŭ miascovym hramadzkim transparcie raskleili abviestki, u jakich rekamendavana źviartać uvahu na ŭsie padazronyja pradmiety — pakinutyja biez nahladu sumki, skrynki, asabliva kali jany majuć «niecharakternyja elemient», da prykładu, kali da ich prymacavany drot abo elemient elektryčnaha siłkavańnia. Vyklikać u padobnych vypadkach milicyju rajać taksama ŭ vusnych abviestkach na viciebskich vakzałach i kirmašach. Hramadzianam abiacajuć, što supracoŭniki milicyi źjaviacca ciaham siami chvilin.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary