U Maładačanski RAUS pa dapamohu źviarnuŭsia 24‑hadovy hramadzianin Švecyi. Jon vyrašyŭ prakacicca ŭ adzinočku na rovary z Skandynavii ŭ Turcyju, vybraŭ maršrut cieraź Biełaruś i napiaredadni viečaram pryjechaŭ u Maładečna.
U Maładačanski RAUS pa dapamohu źviarnuŭsia 24‑hadovy hramadzianin Švecyi. Jon vyrašyŭ prakacicca ŭ adzinočku na rovary z Skandynavii ŭ Turcyju, vybraŭ maršrut cieraź Biełaruś i napiaredadni viečaram pryjechaŭ u Maładečna.
Viełaturyst pastaviŭ rovar la haścinicy i z dumkaj, što ŭ takim ludnym miescy ničoha jahonaj majomaści nie pahražaje, pajšoŭ uładkoŭvacca na načleh. Kali chvilin praź dziesiać jon vyjšaŭ na hanak, to ź ździleńniem pabačyŭ, što ad rovara ni pyłu ni śledu. Razam ź im źnikli namiot, spalny miech, zaplečnik, instrumenty, adzieńnie, aptečka, zapčastki j pravizija na sumu 1.375 eŭraŭ. U milicyju paciarpieły adrazu nie pajšoŭ, bo dumaŭ, što chtości prosta ŭziaŭ rovar pakatacca. Jon źviarnuŭsia da administratara haścinicy z pytańniem, što mahło zdarycca, adnak moŭny barjer nia daŭ im parazumiecca. Tamu na parozie RUUS davierlivy šved źjaviŭsia tolki nastupnaj ranicaj.
«Adrazu ž byli zaryjentavanyja ŭsie narady, — skazaŭ načalnik adździełu daznańnia papiaredniaha raśśledavańnia RUUS Andrej Łoś. — Ale, jak sami razumiejecie, kaštoŭny čas byŭ stračany, tamu rovar pakul znajści nie ŭdałosia. Ciapier usčataja kryminalnaja sprava pa artykule «Kradziež».
Sam ža paciarpieły skazaŭ, što za 14 hadoŭ u jaho ŭ Švecyi skradali rovar užo 6 razoŭ. Chacia pošuki prapažy ŭ Maładečnie j nie dali chutkaha vyniku, hość zastaŭsia zadavoleny ŭvahaj i aperatyŭnaściu reahavańnia miascovaj milicyi. U Stakholm jon vierniecca na samalocie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary