U suviazi z masavymi niematyvavanymi aryštami i kampanijaj paklopu Prezydyjum Abjadnanych demakratyčnych siłaŭ pravodzić terminovaje pasiadžeńnie. Čakajecca razmova pra bajkot parlamenckich vybaraŭ.
U suviazi z masavymi niematyvavanymi aryštami i kampanijaj paklopu Prezydyjum Abjadnanych demakratyčnych siłaŭ pravodzić terminovaje pasiadžeńnie. Čakajecca razmova pra bajkot parlamenckich vybaraŭ.
«My budziem havaryć pra źmienu farmatu našaha ŭdziełu ŭ vybarčaj kampanii. Kančatkovaje rašeńnie moža pryniać tolki Palityčnaja rada. Ale jość užo dastatkova padstavaŭ, kab sabrać u bližejšy čas Palitradu i razhladać źmienu našaha farmatu ŭdziełu ŭ vybarčaj kampanii», – paviedamiŭ Anatol Labiedźka pierad pačatkam pasiadžeńnia.
U stalicy razharnulisia masavyja aryšty pad šumok pošuku terarysta. Aryštoŭvajuć samych aktyŭnych i maładych siabroŭ roznych palityčnych partyj i hrupaŭ.
Byli aryštavanyja Ilja Bohdan z Moładzi BNF, Anton Kojpiš — palitviazień pa Spravie 14‑ci, Pavał Kurjanovič z «Eŭrapiejskaj Biełarusi», Siarhiej Vysocki z Partyi Svabody, Michaś Paškievič, Alaksandar Siarhiejenka z AHP i inšyja junaki i dziaŭčaty. Dokazam «padazronaści» słužyć najaŭnaść u domie ćvikoŭ.
Na pres-kanferencyi ŭ piatnicu pravaabaronca Aleś Bialacki vykazaŭ škadavańnie z nahody, što Łukašenka pačaŭ «palavańnie na viadźmarak». My majem palicejskuju dziaržavu, jakaja cudoŭna prasłuchoŭvaje telefony aktyvistaŭ apazycyi, ale absalutna nia zdolnaja zmahacca z sapraŭdnym teraryzmam, zaznačyŭ sp. Bialacki. Na jaho dumku, toje, jak viadziecca śledztva, dazvalaje kazać pra razhortvańnie palityčnaha teroru ŭ krainie. Paćvierdžańniem tamu — aryšt vyklučna byłych i dziejsnych siabroŭ apazycyjnych palityčnych arhanizacyj. Pravaabaronca dadaŭ, što ŭsio heta vielmi pakazalna kładziecca na budučuju vybarčuju kampaniju, bo častka aryštavanych źjaŭlajecca jaje aktyŭnymi ŭdzielnikami.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary