Fihurant «spravy piedafiłaŭ» Davydovič asudžany za suviaź z padletkami na 5 hadoŭ, ale adsiadzić mienš za 2 hady

Viačasłaŭ Davydovič užo byŭ asudžany na 4 hady za ekanamičnyja złačynstvy — jon adbyvaje svoj termin u kałonii. Ale sioleta ŭ dačynieńni da jaho raspačali jašče i spravu ab razbeščvańni i hvałtavańni niepaŭnahadovych (ahułam — 5 kryminalnych spraŭ). Sud prachodziŭ u zakrytym režymie.

Pavialičyć

Pierad ahučvańniem prysudu 28 śniežnia 50-hadovy Davydovič trymaŭsia badziora, navat paśmichaŭsia. Sudździa Viktoryja Zajcava vyrašyła, što Viačasłaŭ Davydovič vinavaty ŭ dziejańniach seksualnaha charaktaru z asobami, jakija nie dasiahnuli 16 hadoŭ. Pakinuli i rašeńnie ab tym, što Davydovič vinavaty ŭ niezakonnaj pradprymalnickaj dziejnaści. 

Pavialičyć

U vyniku Davydovič asudžany na 5 hadoŭ kałonii ahulnaha režymu. Z ulikam raniej adbytaha pakarańnia jamu zastajecca znachodzicca pad vartaj 1 hod 8 miesiacaŭ.

Svaju vinu jon nie pryznaŭ.

Akramia taho, spačatku było raspačata 5 kryminalnych spraŭ, paśla šerah abvinavačvańniaŭ byŭ źniaty. Davydoviča asudzili tolki pa adnym «novym» artykule — za suviaź ź niepaŭnahadovymi. 

«U pryncypie, svajoj mety my dasiahnuli, źniali niekalki artykułaŭ. Ciapier vyrašajem, ci budziem abskardžvać prysud», — skazała advakatka Davydoviča Kaciaryna Šakun.

U 2013 hodzie Davydovič byŭ zatrymany. U 2014 — asudžany na 4 hady za pradprymalnickuju dziejnaść biez rehistracyi.

Adnak užo padčas jaho zatrymańnia było viadoma, što Viačasłaŭ Davydovič źviazany z dvuma fihurantami hučnaj «spravy piedafiłaŭ»: mužčyny abvinavačvalisia ŭ razbeščvańni i hvałtavańni padletkaŭ. Havorka išła pra niekalki tysiač dziaciej. Adzin ź ich paśla atrymaŭ 17-hadovy termin, druhi paźniej byŭ pryznany nieadekvatnym i nakiravany na prymusovaje lačeńnie.

Abodva jany — vychadcy ź dziciačaha domu, jak i Davydovič. Mužčyny pradstaŭlalisia trenierami pa viełasporcie i futbole. Pryvozili dziaciej u katedž da Davydoviča — vialiki dom płoščaj amal 2 tysiačy kvadratnych mietraŭ u Zacani. Tam padletki mahli «padpracavać na budoŭli». Nu i nie tolki…

Pavialičyć

Taksama imia Viačasłava Davydoviča fihuravała jašče ŭ adnoj historyi.

U 2009 hodzie žančyna vykinuła z akna dvuch małych dziaciej-bliźniatak. Jana kazała, što «pamuciłasia rozumam» na toj momant. Davydoviča jaje svajaki nazyvali «duchoŭnym ekstrasensam» muža žančyny, uskosna abvinavačvali ŭ zdareńni.

Sam Davydovič vučyŭsia ŭ Akademii MUS, pracavaŭ milicyjantam, kadravym supracoŭnikam u Administracyi prezidenta.

• 0
• 0
• 0
• 0
• 0
• 0
• 0
• 0