Kančatkovaje rašeńnie prymie Palityčnaja rada, jakaja źbiarecca ŭ najbližejšy čas.
U joj havorycca, što ŭ vypadku dalejšaha raźvićcia padziejaŭ pa scenary, kali pa nadumanych pryčynach aryštoŭvajucca aktyvisty palityčnych partyjaŭ, źmiena farmatu ŭdziełu apazycyi ŭ vybarčaj kampanii budzie niepaźbiežnaj. Kančatkovaje rašeńnie prymie Palityčnaja rada, jakaja, mahčyma, źbiarecca ŭ najbližejšy čas.
Anatol Labiedźka zajaviŭ, što nia varta vyklučać mahčymaści taho, što ŭłady padšturchoŭvajuć svaimi dziejańniami demakratyčnyja siły da paśpiešlivych i małapradumanych krokaŭ. My musim usio dziesiać razoŭ praličyć, skazaŭ palityk, kamentujučy mahčymaść bajkotu apazycyjaj vybaraŭ. Na jaho dumku, ciapier usio robicca dla taho, kab apazycyjnyja partyi zajmalisia tolki vyśviatleńniem losu svaich zatrymanych siabroŭ.
U zajavie Prezydyjumu ADS jość taksama zvarot da ABSE z prośbaj časova ŭstrymacca ad nakiravańnia ŭ Biełaruś svaich naziralnikaŭ. U zvarocie da suśvietnaj supolnaści lidery ADS uskłali častku viny za siońniašnija padziei ŭ našaj krainie na tych eŭrapiejskich palitykaŭ, jakija dziela niaznačnych ekanamičnych sastupak aficyjnaha Miensku hatovyja zapluščyć vočy na brutalnaje parušeńnie pravoŭ čałavieka ŭ Biełarusi.
Akramia taho, kandydaty na parlamenckija vybary ad Miensku vystupili ź inicyjatyvaj zładzić u paniadziełak uviečary na Kastryčnickaj płoščy akcyju salidarnaści z zatrymanymi ŭ suviazi z padazreńniem u ździajśnieńni vybuchaŭ u noč na 4 lipienia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary