Viadomaść jamu pryniesła ščymlivaja apovieść «Načavała chmarka załataja». U joj raskazvałasia pra vychavancaŭ dziciačaha domu, evakuavanych na Kaŭkaz paśla departacyi adtul miascovych narodaŭ.
U piatnicu ranicaj u balnicy na 77‑m hodzie žyćcia pamior viadomy piśmieńnik, daradca prezydenta Rasiei pa pytańniach pamiłavańnia Anatol Prystaŭkin.
Prystaŭkin atrymaŭ šyrokuju viadomaść paśla publikacyi apovieści «Načavała chmarka załataja» (1987), u jakoj raskazvałasia pra vychavancaŭ dziciačaha domu, evakuavanych na Kaŭkaz, a taksama zakranałasia tema represij u dačynieńni da čačenskaha narodu.
Anatol Prystaŭkin naradziŭsia 17 kastryčnika 1931 h. u padmaskoŭnych Lubiercach u rabočaj siamji. Padčas vajny staŭ siratoj, pabyvaŭ u dziasiatku dziciačych damoŭ, u tym liku i na Paŭnočnym Kaŭkazie, a ŭ 14 hod uładkavaŭsia pracavać na kanservavy zavodu Siernavodzku.
Paśla słužby ŭ vojsku skončyŭ Litaraturny instytut imia Horkaha, dzie paźniej vykładaŭ.
Anatol Prystaŭkin — aŭtar bolš čym 25 knih, mnohija ź jakich pierakładzienyja na eŭrapiejskija movy. Za apovieść «Ziaziulčaniaty» atrymaŭ ŭ 1992 h. niamieckuju Nacyjanalnuju premiju pa dziciačaj litaratury.
Z 1992 h. pa 2001 h. Anatol Prystaŭkin uznačalvaŭ Kamisiju pa pytańniach pamiłavańnia pry prezydencie Rasiei — da taho momantu, pakul jana była skasavana.
Za dzieviać hadoŭ pracy Kamisija damahła vyjści na svabodu prykładna 55 tysiačam viaźniaŭ, štohod zadavolvajučy ad 5 tys. da 6 tys. prośbaŭ.
Z 2001 h. Prystaŭkin byŭ daradcam prezydenta Rasiei pa pytańniach pamiłavańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary