Džonatan Mur: «Ale ZŠA buduć vitać heta viartańnie».
«Z našaha boku niama nijakich abmiežavańniaŭ na kolkaść dypłamataŭ Biełarusi ŭ ZŠA», — skazaŭ jon.
Pry hetym, jak zaznačyŭ Dž.Mur, pakul «niama nijakich sihnałaŭ», što M.Chvastoŭ u najbližejšy čas źbirajecca viarnucca ŭ Vašynhton.
«Choć my nie stavim nijakich abmiežavańniaŭ pa jaho viartańni», — padkreśliŭ dypłamat.
Jon nahadaŭ, što zhodna z patrabavańniem MZS Biełarusi, pasoł ZŠA ŭ Biełarusi Karen Ściuart nie moža viarnucca ŭ Minsk da viartańnia M.Chvastova ŭ Vašynhton.
Dž.Mur taksama vykazaŭ niazhodu z tym, što kolkaść dypłamataŭ u pasolstvach dźviuch krain pavinna rehulavacca na parytetnaj asnovie.
«Sprava ŭ tym, što ŭ amierykanskich pasolstvach rabota arhanizavana pa inšych pryncypach, čym u pasolstvach Biełarusi, — patłumačyŭ jon.
— Adzin z prykładaŭ — atrymańnie viz. U nas jość patrabavańnie asabistaha intervju i skaniravańnia palcaŭ. A dla atrymańnia vizy Biełarusi treba pa pošcie adpravić pašpart, ankietu i hrošy. Heta bolš prostaja pracedura».
Pavodle słoŭ Dž.Mura, ciapier u pasolstvie ZŠA ŭ Minsku pracuje piać dypłamataŭ. «I siońnia niama nijakich sihnałaŭ, što ich kolkaść moža być dazvolena pavialičyć», — skazaŭ časovy pavierany.
Jak paviedamlaŭ BiełaPAN, u listapadzie 2007 hoda ZŠA ŭviali ekanamičnyja sankcyi ŭ adnosinach da kancerna «Biełnaftachim» u suviazi z parušeńniem pravoŭ čałavieka ŭ Biełarusi. Dvuchbakovyja adnosiny pahoršylisia ŭ sakaviku 2008 hoda paśla taho, jak ułady Biełarusi admovilisia vyzvalić byłoha kandydata ŭ prezidenty Alaksandra Kazulina (apošniaha z šaści pryznanych mižnarodnaj supolnaściu palitźniavolenych na toj momant). Pasły Biełarusi i ZŠA byli adklikanyja z Vašynhtona i Minska dla kansultacyj; štaty abodvuch pasolstvaŭ skaročany da minimumu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary